اسلام امیرلیگی سوزلاوچیسی ذبیح‌الله مجاهد، بوگون بامداد چاغی (شنبه، ۲۷ حوت) اوز تویتری ده یازیشیچه، اوتگن کیچه کیچ قورون اسلام امیرلیگی نینگ مخصوص کوچلری بلخ مرکزی مزارشریف شهری نینگ بیشینچی، آلتینچی و سکیزینچی ناحیه‌لریده، داعش گروهی نینگ قرارگاه‌لری اوستیگه عملیات اوتکزیلگن.
اسلام امیرلیگی سوزلاوچیسی گه کوره، مذکور عملیات‌لر عاقبتیده داعش گروهی نینگ قطار اعضالری اولدیریلگن. او نینگ کوپه‌یتیریشیچه، اوشبو عملیات‌لرده داعش گروهی اعضالری نینگ بیر مقدار قورال_یراغ‌لری اسلام امیرلیگی کوچلری قولیگه توشگن.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد، مذکور عملیات‌لر جریانیده اسلام امیرلیگی کوچلریدن بیری یره‌لنگنینی یازگن. بیراق اسلام امیرلیگی سوزلاوچیسی، داعش گروهی اعضالری نینگ تلفات رقمی باره‌سیده هیچ نرسه دیمه‌گن.
داعش گروهی، مزارشریف شهری ده اسلام امیرلیگی کوچلری تامانیدن اولر نینگ اعضالری اولدیریلیشی خصوصیده حاضرگچه هیچ نرسه دیمه‌گن.
ایتیش کیره‌ک که، داعش گروهی بلخ ده چمه‌سی ۱۰ کون ایچیده ایکی هجوم اویوشتیرگن. مذکور گروه نینگ ۱۸ حوت ده بلخ ده اویوشتیرگن هجومی عاقبتیده بلخ حاکمی محمدداوود مزمل شامل اوچ کیشی هلاک بولیب و باشقه بیرقطار کیشی‌لر اولیب و یره‌لنگن.
بیزلرنینگ توییترده هم تعقیب قیلینگ!
داعش گروهی، بلخ مرکزی مزارشریف شهری ده تبیان فرهنگی_اجتماعی مرکزی ده خبرچی‌لر اوستیگه اویوشتیریلگن هجوم مسئولیتینی تن آلگن که اوشبو هجوم نتیجه‌سیده، ایکی خبرچی شامل اوچ کیشی هلاک بولیب و باشقه ۱۶ خبرچی یره‌لنگن ایدی.
