ایچکی ایشلر وزیرلیگی سوزلاوچیسی عبدلنافع تکور نینگ ایتیشیچه، بوگون توش دن آلدین (شنبه، ۲۰ حوت) ساعت ۱۱:۳۰ اطرافی ده، مذکور ولایت مرکزی مزارشریف شهری نینگ ایکینچی خوفسیزلیک حوزه حدودلری گه قره‌شلی «تبیان» فرهنگی مرکزی ده پارتلش یوز بیرگن.
اوشبو حادثه ییرلشتیریلگن ماین پارتلشی عاقبتیده یوز بیرگن. ایچکی ایشلر وزیرلیگی سوزلاوچیسی نینگ کوپه‌یتیریشیچه، مذکور پارتلش ده تبیان فرهنگی مرکزی نینگ بیر قوریقچیسی هلاک بولگن و اوچ خبرچی و اوچ باله شامل سکیز کیشی یره‌لنگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی گه کوره، یره‌دارلر نینگ احوالی یخشی و امنیتی کوچلر محل گه ییتیب باریب و تیکشیریش‌لرنی باشلشگن.
باشقه تاماندن، ابوعلی سینای بلخی کسلخانه‌سیده شفاکارلردن بیری کیم‌لیگی سر قالیش شرطی بیلن سلام‌وطندار گه ایتیشیچه، واقعه طفیلی ۲۳ یره‌دار کیشی اوشبو کسلخانه گه انتقال بیریلگن.
ایتیش کیره‌ک که، آلدینراق بلخ ده‌گی منبع‌لر، بوگون توش دن آلدین مزارشریف شهری نینگ ایکینچی خوفسیزلیک حوزه حدودلری گه قره‌شلی، تبیان فرهنگی مرکزی ده خبرچیلر آره‌سیده پارتلش یوز بیریب و قطار کیشی‌لر اولیب و یره‌لنگنینی ایتگن ایدیلر.
منبع‌لر گه کوره، مذکور مرکز ده خبرچیلر تقدیرلنیشی کوتیلردی و شو مناسبت خبرچیلر بو ییرده توپلنگن ایدیلر.
بیزلرنینگ توییترده هم تعقیب قیلینگ!
منبع‌لر نینگ کوپه‌یتیریشیچه، اوشبو برنامه ده حضور تاپگن خبرچی‌لردن قطاری یره‌لنگن. منبع‌لر نینگ ایتیشلریچه، واقعه محلی ده اوچ جسد کوریلگن؛ بیراق اولر نینگ کیم‌لیگی حاضرگچه بیللی ایمس.
مذکور پارتلش مسئولیتینی حاضرگچه هیچ کیم یا گروه تن آلمه‌گن.
