قندوز محلی مسووللری نینگ ایتیش‌لریچه، امنیتی کوچلرنینگ پوسته‌سینی بوزیش پیتده بیر ماین پارتله‌گن.
اوشبو واقعه بوگون (چهارشنبه، ۱۴- عقرب) توشدن آلدین قندوز ولایتی نینگ خان‌آباد تومنیده یوز بیرگن.
قندوز حاکمی سوزلاوچیسی عصمت‌الله مرادی نینگ ایتیشیچه، طالبان گروهی خان‌آباد تومنی نینگ “نوآباد انداربی‌ها” منطقه‌سیده‌گی امنیتی کوچلر نینگ بوش پوسته‌سی نی ویران قیلیش اوچون تینچ‌اهالی نینگ آلیب بارگن ایکن.
جناب مرادی‌گه کوره، اوشبو پارتلش ده ۱ تینچ‌اهالی اولیب و ۲۱ تینچ اهالی یره‌لنگن. او، طالبان تلفاتی حقیده فکر بیلدیرمه‌گن، لیکن یره‌لنگن کیشی‌لر دارولنیش اوچون قندز نینگ حوزه‌وی کسل‌خانه‌سیگه انتقال بیریلگن.
بیر منبع آتی فاش ایتیلیشی نی ایستمه‌ی سلام‌وطندارگه ایتیشیچه، بوگون ایرته‌لب امنیتی کوچلر خان‌آباد تومنی نینگ نوآباد اندرابی‌ها منطقه‌سیده‌گی پوسته‌سی ترک ایتگنلریدن کیین، طالبان گروهی اوشبو پوسته‌نی ویران قیلیش اوچون قطار تینچ‌اهالی نی آلیب کیلگن بیر حالده، پارتلش یوز بیرگن.
اوشبو منبع گه کوره، پارتلش ده ۱۹ کیشی یره‌لنگن.
قندز پولیسی سوزلاوچیسی انعام‌الدین اوشبو حادثه‌نی تصدیقله‌یدی، لیکن تلفات حقیده انیق معلومات بیرمه‌گن. اونینگ ایتیشیچه، اوشبو پارتلش ده قطار تینچ‌اهالی و طالبان هلاک و یره‌لنگن.
طالبان گروهی حاضرگچه بو حقده فکر بیلدیرمه‌گن.
