کابل شهری بوگون اوچ پارتلش گه شاهد بولدی. کابل پولیس قومندانلیگی نینگ ایتیشیچه، مذکور پارتلشلر عاقبتیده ایکی تینچاهالی و بیر حربی هلاک و باشقه ۵ تینچاهالی ایسه یرهلنگن.
کابل پولیس قومندانلیگی نینگ ایتیشیچه، بیرینچی پارتلش بوگون توشدن آلدین ساعت ۹:۱۴ اطرافیده کابل شهری نینگ بیرینچی حوزهسیگه تیگیشلی باغ قاضی سرکی ده بیر دکان ده یوزبیرگن.
کابل پولیسی بو پارتلش ده ۳ هنود یشاوچی شامل ۶ تینچاهالی یرهلنگنی نی بیلدیرگن ایدی.
کابل پولیسی گه کوره، اهالی یرهدارلرگه یاردم بیرهدیگن پیتده ایکینچی پارتلش یوزبیرگن. بو پارتلش ده بیر هنود یشاوچیسی شامل ایکی کیشی هلاک و شونینگدیک بیر هنود یشاوچیسی شامل ۵ تینچاهالی تن جراحتی کوتارگن. مذکور ایکی پارتلش نینگ قندهیلیگی حاضرگچه بیللی بولمهگن.
اوچینچی پارتلش بوگون (شنبه ۱۸- دلو) توشدن آلدین ساعت ۱۰:۴۱ اطرافیده کابل شهری نینگ ۱۱- ناحیهسیگه تیگیشلی «گولایی حصۀ اول خیرخانه» منطقهسیده پولیس نینگ بیر رنجری گه یوزبیرگن. کابل پولیسی گه کوره، مذکور پارتلش عاقبتیده بیر پولیس هلاک بولگن.
مذکور حادثهلر مسئولیتی نی حاضرگچه بیرار گروه یا-ده شخص بوینیگه آلمهگن.