ایچکی ایشلر وزیرلیگی نینگ ایتیشیچه، کابلده یوز بیرگن پارتلشده عامه خوفسیزلیگینی تامینلش تصدیسی نینگ سوزلاوچیسی شامل ۳ کیشی هلاک و باشقه ۱ کیشی یرهلنگن.
اوشبو وزارت نینگ ایتیشیچه، بوگون “یکشنبه” ایرتهلب ساعت ۸:۳۰ ده عامه خوفسیزلیگینی سقلش تصدیسی نینگ سوزلاوچیسی ضیا ودان دفتری تامان بارهدیگن بیر چاغده، کابل شهری نینگ ۸- امنیتی حوزهسیده موتری جاده چیککهسیده جایلشتیریلگن ماین بیلن دوچ کیلگن.
اوشبو وزارت نینگ کوپهیتیریشیچه، مذکور واقعهده جناب ودان و ایکی یاردمچیسی هلاک و باشقه بیر کیشی یرهلنگن.
اوشبو واقعه مسوولیتینی حاضرگهقدر هیچبیر گروه یا-ده کیشی بوینیگه آلمهگن، بیراق حکومت هردایم طالبان گروهی نی بوندهی واقعهلرگه مسوول عنوان قیلگن.
ایچکی ایشلر وزیرلیگی نینگ بوتوغریده ایتیشیچه، سونگی کونلرده قولگه آلینگن تروریستلر طالبان اعضالریدن بولگنلرینی بیلدیرگن.