قندوز ولایتیده آدم اوغیرلاوچیلر بیر آی آلدین نوید ناملی ۳۰ یاشر بیر کسبهکارنی قندوز شهریدن اوغیرلگن ایدیلر، بیراق اوتگن کونی پول بدلیگه قوییب یوبارگنلر.
قندوز شهریده آدم اوغیرلاوچیلیک دوام قیلماقده، بیر کون آلدین ۱۳ یاشر بیر یاش ییگیت قندوز شهری نینگ ۳- ناحیهسیدن اوغیرلنگن.
مذکور یاش باله نینگ آتی سلمان بولیب، ۶- صنف اوقووچیسی ایکن. اونینگ آتهسی زرگرلر اویوشمهسی نینگ باشلیغی ایکن.
بیراق، اوتگن “یکشنبه” کونی قندوز ولایتی نینگ زرگرلری و صرافلری ناراضلیک بیلدیریب دکانلرینی باغلهگنلر.
قندوز ولایتیدن نوید و احمد میلاد آتلی ایکی زرگر نینگ سلاموطندارگه ایتیشلریچه، محلی حکومت خلق نینگ جان و مالی دن حفاظت قیله آلمهیدی.
شونینگدیک، قندوز مدنی فعاللریدن بیری عبدالستار شمال اوشبو ولایتده ناتینچلیکلر و آدمآغیرلاوچیلیکلر کوپهیگنیدن خواطر بیلدیرگن.
عینحالده، قندوز پولیس قومندانلیگی سوزلاوچیسی انعامالدین رحمانی نینگ ایتیشیچه، جنایتچیلرنی قولگه آلیش اوچون سعی و حرکت لرنی دوامی بار.
جناب رحمانیگه کوره، اوتگن بیر آیده، جنایتچیلردن کوپ قطاری قولگه آلینگن.
قندوز ده ناتینچلیکلر یانیده، قوراللی اوغیرلاوچیلیک و آدم اوغیرلاوچیلیک واقعهسی کوپهیشی، مذکور ولایت یشاوچیلری و کسبه کارلرینی خواطرلنتیرگن.