مملکت نینگ قطار ولایتلریده معتادلرنی درمانلش کسلخانهلر یاپیلماقده ایکن، بیرلشگن ملتلر تشکیلاتی نینگ ترقیاتی برنامهلر و مذکور تشکیلات نینگ بنگیوار مادهلر گه قرشی کورهش و جرم دفتری آرهسیده ایکی میلیون دالر ارزشی گه کیلیشوو امضالنگن، اوشبو کیلیشووگه اساس، افغانستان ده معتادلرنی درمانلش ۱۷ کسلخانه گه یاردم بیریلهدی.
معلومات اساسیده، افغانستان بویلب خاتین قیزلر و بالهلر شامل اوچ میلیون کیشی معتاد دیر، اسلامی امارت گه کوره، اوشبو معتادلردن یوزلرچهسی درمانلنگن.
بیزلرنینگ فیسبوک صحیفهمیزگه باش اورینگ!
اسلامی امارت ایچکی ایشلر وزیرلیگی سوزلاوچیسی عبدالنافع تکور نینگ سلاموطندار گه ایتیشیچه، ۴۸ مینگ معتاد درمانلنگن، و بو وزیرلیک، ۲۰ مینگ بسترلیک باشقه بیر کسلخانه قوریشنی نظرگه آلگن.
باشقه تاماندن، ساغلیقنی سقلش وزیرلیگی سوزلاوچیسی شرافت زمان نینگ سلاموطندار گه ایتیشیچه، اوتگن بیر ییل ده مذکور وزیرلیک تامانیدن بنگیمادهلر گه چلینگن ۲۶ مینگ معتاد درمانلنگن و حاضر مملکت بویلب معتادلرنی درمانلش ۶۰ کسلخانه فعال دیر.
بیزلرنینگ توییترده هم تعقیب قیلینگ!
افغانستان بویلب اسلامی امارت ایکینچی مراتبه قدرت نی آلیشیدن کیین، معتادلرنی درمانلش کسلخانهلردن یریمی دارو، ییترلی آزیق_آوقات و کسلخانهلر ایشلاوچیلری نینگ معاشلری توللنمسلیگی باعث یاپیلگن.
افغانستان بویلب فعالیت آلیب یارهیاتگن معتادلرنی درمانلش ۴۰ کسلخانه دن کوپراغی دارو و ییترلی آزیق_آوقات یوقلیگی باعث، هیچ بیمارنی بستر قیلمهیدی.