قندهار ده تورموش اورتاغ‌لری آرقه‌لی مخدره ماده گه چلینگن عیال‌لردن قطاری نینگ حیاتی قیین‌چیلیک بیلن روپه‌ره بولگن دیر. مذکور عیال‌لردن قطاری نینگ سلام‌وطندار گه ایتیش‌لریچه، شونینگدیک باله‌لری نینگ مخدره ماده گه چیلینیشی خصوصیده قورقه‌دیلر.
توی قیلیش‌لریدن ۲۰ ییل اوتیب و سکیز فرزند نینگ صاحبی بولگن ۴۰ یاشر بی‌بی عایشه اون ییل‌دن بیری مخدره ماده گه چلینگن دیر.
اونینگ ایتیشیچه، او بیرینچی‌ده تورموش اورتاغی نی مخدره ماده قوللنیش‌دن منصرف قیلیش اوچون سعی و حرکت قیلدی، بیراق اوشبو ایش گه موفق بولمه‌دی.
بیزلرنینگ توییترده هم تعقیب قیلینگ!
بی‌بی عایشه نینگ کوپه‌یتیریشیچه: «ایران گه بارگن ایدی، قیتگنیدن کیین مخدره ماده قوللنمه‌یشی اوچون کوپ سعی و حرکت قیلدیم، لیکن او مخدره ماده نی ترک قیلمه‌دی. او کوپ لذت‌لی بولگنی نی ایتیب مینی هم تشویق قیلدی. بیر مرته چککنیم‌دن کیین، مذکور کون‌دن بیری مین هم معتاد بولدیم.»
مملکت‌ده سیاسی اوزگریش‌لردن کیین، اوچ آی‌گچه مخدره ماده مصرفی نی ترک قیلگن مذکور عیال نینگ ایتیشیچه، هرویین گه قول تاپه آلمه‌یشی اوچون تریاک‌دن قوللنه‌دی.
بی‌بی عایشه نینگ تورموش اورتاغی خان‌محمد نینگ ایتیشیچه، ۲۰ ییل آلدین ایران ده مخدره ماده گه چلینگن و مملکت گه قیتگنیدن کیین، شونینگدیک تورموش اورتاغی (خاتینی) نی هم مخدره ماده گه معتاد قیلگن.
او نینگ ایتیشیچه، نیچه مرته مخدره ماده نی ترک قیلگن دیر، لیکن حاضر ایسه مخدره ماده نینگ ساتیشی و قولای بیر شکلده قولگه کیلیشی اوچون، اوشبو ماده نینگ قوللنیشی نی قیته باشلگن دیر.
بیزلرنینگ فیسبوک صحیفه‌میزگه باش اورینگ!
قندهار یشاوچیلریدن باشقه بیری نازدانه نینگ ایتیشیچه، او و تورموش اورتاغی ۱۰ ییل‌دن بیری مخدره ماده گه چلینگلر و حاضر ایسه ییتی باله بیلن قیین بیر وضعیتده قالگنلر.
اونینگ کوپه‌یتیریشیچه: «تورموش اورتاغیم مینی هم مخدره ماده قوللنیشی گه مجبور قیلدی و مین هم معتاد بولدیم. تورموش اورتاغیم حبس گه آلینگنیدن کیین، مخدره ماده آلیب کیلگن هیچ کیم یوق ایدی و کوپ قیین‌چیلیک بیلن مواد قول گه کیلتیره‌ر ایدیم.»
قندهار ده بی‌بی عایشه و نازدانه کبی یوزلرچه عیال بار که مخدره ماده گه چلینگنلری سبب، قیین بیر وضعیتده حیات کیچیره‌دیلر.
شونینگدیک اسلامی امارت نینگ قدرت گه ایریشگنیدن کیین، اوشبو ولایت‌ده‌گی عیال معتادلر نی درمان قیله‌دیگن کسلخانه هم یاپیلگن دیر.
مذکور کسلخانه مسئولی فاطمه عظیمی نینگ سلام‌وطندار گه ایتیشیچه: «۱۰ آی ایشله‌دیک، اوی‌مه اوی باردیک و کسل‌لر نی تاپدیک، بیراق ایشلاوچیلری‌میز گه حتا بیر آی معاش هم بیریلمه‌دی.»
اونینگ ایتیشیچه، فعالیت‌لری جریانیده، ۳۱ عیال درمان آستیده قرار تاپیب و ۲۰۰ عیال معتاد هم تانیلگن ایکن.
خانم عظیمی گه کوره، قندهار ده معتاد عیاللر سانی کوپ دیر و اوشبو مرکز اولر نینگ درمان قیلینیشی اوچون تیزلیککه آچیلیشی کیره‌ک.
قندهار ساغلیق نی سقلش ریاستی نینگ مخدره ماده نینگ کنترول مدیری سردار‌ولی زیشان نینگ سلام‌وطندار گه ایتیشیچه، مذکور ولایت نینگ معتادلر سانی ۱۲۰ کیشی گه ییتیشه‌دی، لیکن اولر نینگ درمانی اوچون امکانیت‌لری یوق.
اونینگ کوپه‌یتیریشیچه: «حاضر ایسه ۱۱۰۰ معتاد مرکزی قماق‌خانه‌ده سقلنه‌دی که اولردن ۴ ته‌سی باله و ۸ ته‌سی عیال دیر. شونینگدیک باشقه ۱۰۰ معتاد خصوصی کسل‌خانه‌لرده درمان آستیده قرار تاپگن دیر.»
قندهار ده‌گی معتادلر درمان بولیب و سالم بیر انسان کبی حیات‌لرینی دوام بیریش اوچون مجهز کسلخانه ایجاد بولیشی‌نی ایسته‌یدیلر.
