بغلان ولایتی دندغوری، خوست و دوشی تومنلرینینگ ایریم اهالیسی، تورر جایلر یقینیده خشت پیشیروچی داشلرنینگ فعالیت یوریتیشی هوا افلاسلنیشی گه سبب بولیب و اولرنینگ ساغلیغی گه ضرر ییتکزیشیدن شکایت قیلهدیلر.
دندغوری تومنی خواجهالوان حدودی یشاوچیسی بولگن عبدالباری گه کوره، بیر خشت پیشیروچی داش تورر اوی یقینیده فعالیت یوریتماقده و اونینگ دودی او همده عایله اعضالرینی جدی قیینچیلیک بیلن دوچ قیلگن. او شوندهی دییدی:«منطقه توتون آستیده. کیچه-کوندوز آدملر، بالهلر و کیکسهلر بو داشلرنینگ دودی طفیلی ساغلیق قیینچیلیک بیلن دوچ دیر. دولتدن ایستهیمیز بو داشلرنی منطقهدن توری جایلر و ایکینچیلیک ییرلردن اوزاق جایگه انتقال بیرسین.»
دوشی تومنی ایریم یشاوچیلری هم، تورر اویلر یقینیده خشت پیشیروچی داشلرنینگ فعالیت یوریتهیاتگنیدن شکایت قیلهدیلر.
اوشبو تومن یشاوچیلریدن بولگن عوض محمدنینگ ایتیشیچه، بو داشلردن چیقهیاتگن دودلر اولرنینگ زراعتی ییرلریگه ضرر ییتکزگن و سونگی ییللرده محصولاتلریدن کوپ قسمینی یوق ایتگن. اونگه کوره: «آدملر هم عذابده، ییردارلر هم اذیت بولهدی. کیچه تاماندن دود بوتون منطقهنی قاپلب آلهدی و دود طفیلی ساغلیق قیینچیلیک بیلن دوچ میز. ایکینچیلیک محصولاتلر گه سلبی تأثیر قویگن.»
خوست تومنی ایریم یشاوچیلری هم، تورر جایلر یقینیده خشت پیشیروچی داشلرنینگ فعالیت یوریتیشیدن شکایت قیلهدیلر. بو تومن یشاوچیسی بولگن عبدالباقی گه کوره، مذکور داشلرنینگ تورر جایلر و زراعتی ییرلر یقینیدن اوزاقلشتیریش اوچون حرکت قیلینمسه، هوانی افلاسلنتیریب و یشاوچیلر هم کوپراق ضرر کوریشی ممکن. او شوندهی دییدی: «بیز بو ییرده یشهیمیز، فقط ۲۰ متر خشت پیشیروچی داشلردن مصافهمیز بار و دود طفیلی هوا افلاسلنگن و بالهلر گه ضرر ییتکزهدی. نیچه کون آلدین ابهمنینگ بیر اوغلی کسل بولگن ایدی؛ شفاکار گه آلیب باردیک و شفاکار ایسه هوا افلاسلنگنی سببلی تنفسی قیینچیلیک تاپگنینی بیلدیردی.»
شو بیلن بیرگه، بغلان ولایتیده ایریم خشت پیشیروچی داشلرنینگ مسئوللری، دودنی تصیفه قیلوچی فیلترلر قوندیریش بیلن، یشش محیط افلاسنلیشینی آلدینی آلیب و داشلرینی تورر جایلر یقینیدن مناسب مکانلر گه انتقال بیریش گه سعی-حرکت قیلهیاتگنلرینی ایتهدیلر.
داشلردن بیرینینگ مسئولی رشیدنینگ ایتیشیچه، دود و هوا افلاسلنیشینی کمهیتیریش اوچون دود تصیفه قیلوچی فیلتر قوندیریش گه حرکت قیلماقدهلر. او شوندهی دییدی: «بیز تلاش قیلهیپمیز فیلتر قیلووچی واسطهلرنی قوندیریش بیلن، هوا افلاسلنیشینی آلدینی آلسک. دولتدن ایستهیمیز یشاوچیلر گه مزاحمت قیلمسلیک و بیر جایده فعالیت یوریتیش اوچون خشت پیشیروچی داشلرگه علیحده جای بیلگیلهسین.»
شو بیلن بیرگه، شفاکارلرنینگ ایتیشیچه، دود و هوا افلاسلنیشی تنفسی و باشقه ساغلیق قیینچیلیکلر گه سبب بولیشی ممکن.
شفاکار نورالدین نسیمی، خشت پیشیروچی داشلردن چیقهیاتگن دودلر انسان سلامتلیگی اوچون ضررلی دییدی.
شو بیلن بیرگه، بغلان یشش محیطنی محافظه قیلیش ریاستی مسئوللرینینگ ایتیشیچه، بو ولایتده ۵۷ ته خشت پیشیروچی داش فعالیت یوریتماقده و تورت مینگ ۵۰۰ دن آرتیق کیشیگه ایش زمینهسینی یرهتگن.
بغلان یشش محیطنی محافظه قیلیش ریاستینینگ اخبارات و علاقهلر مدیری ربانی، بوندن کیین تورر جایلر و ایکینچیلیک ییرلر یقینیده خشت پیشیروچی داشلر گه فعالیت قیلیش ایزینی بیریلمسلیگینی ایتهدی. او شوندهی دییدی: «اولر گه پشنهاد قیلگنمیز و اولرنینگ بعضیلری ایسکیدن قوریلگن و فعالیت یوریتماقده؛ بیراق بوندن کیین ینگی داش قورهدیگنلر گه تورر جایلر و زراعتی ییرلردن اوزاق جایده فعالیت یوریتیش بویروغینی بیرگنمیز.»
بغلان یشاوچیلری، مسئول ادارهلردن داشلرنینگ فعالیت یوریتیشی بارهسیده دقت قیلیب و بو داشلر همده یشش اویلر اورتهسیده مصافه رعایه قیلینیشنی سورهیدیلر.