آمریکا قوشمه ایالتلری نینگ مرکزی قوماندانلیگی یا سنتکام، ۲۰۲۱-ییل ۲۶ آگست ده کابل قونالغهسیده اویوشتیریلگن خودکش هجوم باره سیده ینگی تدقیقات لرینی ترقهتدی. مذکور تدقیقات اساسیده، اوَلگی گزارشلر گه قرهگنده بو هجوم مرکب ایمس ایکن.
اوچ یریم آی ایچیده ۱۳۰ دن آرتیق کیشی بیلن صحبت اوتکزیلگن اوشبو تدقیقات نتیجهسی اساسیده، کابل قونالغهسیده اویوشتیریلگن هجوم فقد پارتلش هجوم بولگن و اوق اوزیش نتیجه سیده کیمسه نینگ اولیب یا یرهلنیشی گه دایر هیچ بیر حجت یوق دیر.
بیزلرنینگ فیسبوک صحیفهمیزگه باش اورینگ!
سنتکام قوماندانی کنت فرانک مککنزی، هجوم کونیدهگی دستلبکی بیانیه سیده، اوشبو هجوم مرکب ایکنلیگینی رد قیلیب اورغولشیچه، پارتلش اوسکونهده ییرلشتیریلگن ساچمهلر، اوق کبی یرهلر گه سبب بولیب و بو مسئله «مرکب هجوم» ایکن لیگیگه باعث بولگن.
اونینگ کوپیتیریشیچه: «توپلنگن دلیللر، ۱۰۰ دن آرتیق کیشی نینگ گواهلیک بیریشی، ایش بیلرمانلر نینگ تحلیلی، حقیقی معلوماتلر و حجتلر اساسیده تیم نینگ نتیجهگه ایریشیشی، حقیقی و قانیقتیرووچی بیر تیکشیریش دیر.»
سنتکام نینگ تاکیدلیشیچه، اوشبو هجوم ده جان بیرگن آمریکا کوچلرینی هیچ نرسه قیتیریب بیره آلمهیدی، بیراق «نیمه بولگنینی تولیق توشینیش» مهم دیر.»
بیزلرنینگ فیسبوک صحیفهمیزگه باش اورینگ!
اسلامی امارت افغانستان گه حاکم بولیشیدن کیین خارج کوچلرینی چیقاریش جریانیده ۲۰۲۱-ییل ۲۶ آگست (۱۴۰۰-ییل ۴سنبله) کابل قونالغه سیده اویوشتیریلگن هجوم نتیجه سیده کمیده ۱۶۰ تینچ اهالی و ۱۳ آمریکالیک عسکر هلاک بولدی.
اوشبو هجوم مسئولیتینی داعش گروهی زمهسیگه آلدی.