بوگون “جمعه” وال‌استریت ژورنال تامانیدن نشر ایتیلگن گزارش‌گه کوره، اوتگن کونی کابل هوا قونالغه‌سیده یوز بیرگن پارتلش‌لرده ۱۰۰ دن آرتیق کیشی هلاک ایتیلگن. گزارش‌گه کوره، مذکور واقعه‌ده ۱۳ آمریکالیک حربی و ۹۰ افغانستان‌لیک هلاک ایتیلگن و ۱۸ آمریکالیک شامل ۱۶۰ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
بوندن آلدین سی‌بی‌اس کونده‌لیگی بیر گزارش نشر قیلیب مذکور پارتلشده ۹۰ کیشی هلاک و باشقه ۱۵۰ کیشی یره‌لنگنی‌نی بیلدیرگن ایدی.
عین‌حالده، طالبان گروهی نینگ ایتیشیچه، مذکور پارتلش‌لر خوفسیزلیگی چیت‌ایللیکلر تامانیدن تامین ایتیله‌دیگن منطقه‌ده یوز بیرگن. طالبان گروهی نینگ رویترز کونده‌لیگی‌گه ایتیشیچه، مذکور پارتلشده اوشبو گروه ۲۸ عضوی هلاک ایتیلگن.
بو واقعه مسوولیتی‌نی داعش گروهی بوینیگه آلگن.
پارتلش‌لردن آلدین آمریکا و بریتانیا رسمی‌لری کابل هوا قونالغه‌سیده داعش گروهی تامانیدن هجوم صورت تاپیش احتمالی بارلیگیدن خبر بیرگن ایدی.
آمریکا جمهور رئیسی جو بایدن مذکور هجوم عامل‌لریدن جدی شکلده انتقام آلیش‌نی بیلدیرگن. بایدن نینگ کوپه‌یتیریشیچه: «بیز کیچیرمه‌یمیز. بیز ایسدن چیقارمه‌یمیز. بیز سیزلرنی تعقیب قیله‌میز و جزالنتیره‌میز.»
اوتگن کونی کابل هوا قونالغه‌سیده یوز بیرگن پارتلش‌لر جدی واکنش‌لر بیلن روپه‌ره بولگن. تشقی رهبرلر، خلق ارا شخصیت‌لر، افغانستان سیاستچی‌لری و طالبان گروهی بو واقعه نی قاره‌لگنلر.
بیزلرنینگ فیسبوک صحیفه‌میزگه باش اورینگ!
گزارش‌لرگه کوره، کابل طالبان نظارتی‌گه اوتگنیدن بویان هوایی بوشه‌تیش عملیات‌نی دوامی بار و حاضرگه‌قدر ۹۵ مینگ دن آرتیق کیشی کابل هوایی قونالغه‌سی آرقه‌لی افغانستان‌نی ترک قیلگنلر. ایتیلیشیچه، کانادا، هالند و دانمارک شامل بیرقطار مملکت‌لر بوشه‌تیش عملیات‌لرینی یکونلنتیرگن.
