بوگون (چهارشنبه، ۵-میزان)، سیاحتچی‌لیک کونی گه ماس دیر. هرات ده «دارالفنون هریوا» اسمی آستیده قول صناعتی، خطاطلیک هنرلری و کتاب کورگزمه‌سی یولگه قوییلگن.
مذکور کورگزمه بوگون هرات معلومات و مدنیت ریاستی مسئوللری تامانیدن، «تیکا» دفتری (تورکیه ترقیاتی اداره‌سی) همکارلیگی بیلن، یولگه قوییلیب و اوچ کون‌گچه دوامی بار.
مذکور کورگزمه‌ده ۱۰۰ غرفه عیاللر و ۴۰ غرفه ایرکک‌لر گه اختصاص بیریلگن.
بیزلرنینگ فیسبوک صحیفه‌میزگه باش اورینگ!
هرات معلومات و مدنیت رئیسی نعیم‌الحق حقانی نینگ ایتیشیچه، کورگزمه نینگ یولگه قوییلگنی‌دن مقصد، سیاحتچیلر گه هنری و قول صناعتی نینگ نمایش بیریش دیر. اونینگ کوپه‌یتیریشیچه: «جاری ییل باش آلتی آیی‌ده، هرات ولایتی‌ده سیاحتچیلر آماری ۲۰ فایز کوپه‌یگن و جاری ییل‌ده ۷ مینگ‌دن آرتیق سیاحتچی، هرات ولایتی گه بارگن.»
شونده‌ی بیرحالده، هرات مدنیتچیلریدن قطاری نینگ ایتیشلریچه، اوشبو ولایت نینگ تاریخی جای‌لری، هنری اثرلری و قول صناعتی تانیلیش اوچون کینگ تبلیغات گه نیازی بار.
هرات ده مدنیت‌چیلردن بیری نهیک فلاح نینگ ایتیشیچه، مسئوللر سیاحتچی‌لیک مدنیتی ترقیاتی اوچون، بیر قطار برنامه‌لر نینگ قولگه آلیشی کیره‌ک. «ینگی اثرلر نینگ چاپ بولیب، دولت و مؤسسه‌لر امکانیتی بیلن اهالی و مملکت ایچیده و مملکت‌دن تشقی‌ده حیات کیچیره‌دیگن‌لر نینگ قولیگه ییتیشیشی کیره‌ک.»
اوشبو کورگزمه‌ده غرفه‌دارلر، هرات ده هنری اثرلر و قول صناعتی نینگ نمایش گه قوییلیشی اوچون بو کبی کورگزمه‌لر نینگ ییترلی بیلمه‌یدیلر.
مذکور کورگزمه‌ده هنرمند و هنری اثری نی نمایش گه قوییگن عبدالکریم اربا‌ب‌زاده نینگ ایتیشیچه: «کیله‌دیگن سیاحتچیلر یالغیز تاریخی اثرلر اوچون کیلمه‌یدی، بلکیم شهرچه‌لرده توزه‌تیله‌دیگن قول صناعت اثرلری اینیقسه نقاشلیک و خطاطلیک اثرلری اوچون کیله‌دیلر.»
شونینگدیک غرفه‌دارلردن باشقه بیری محمد‌مسعود عتیق‌زاده نینگ ایتیشیچه: «چونکه قالین توقیش بولیمی‌ده، تولیدقیلووچیلر و توقوچیلردن کوپینچه‌سی نی عیاللر تشکیل بیره‌دی و اولر گه زمینه یره‌تیلگنی صورت‌ده، اوزلری اثرلری نی سیاحتچیلر گه ساتگنلری بیلن، ایش‌لری نینگ یخشی‌لنیشی ممکن.»
بیزلرنینگ «ایکس» ترماغی ده هم تعقیب قیلینگ!
هرات مملکت نینگ تاریخی و هنری ولایت‌لریدن حساب‌لنه‌دی که، دایم تاریخی اثرلر و قول صناعتی گه ایگه بولگنی سبب، ایچکی و خارجی سیاحتچیلر نینگ توجه‌سی آستیده قرار تاپگن.
