هرات نینگ قیشلاق‌لریده‌گی ایکینچیلیک ییرلرده، نه فقط ایرکک‌لر بلکیم عیاللر هم ایرکک‌لر کبی ایکینچیلیک ایشلری بیلن شغللنگن. مذکور ایکینچی عیاللر نینگ ایتیشلریچه، ایرتنگ‌دن آخشم‌گچه ایکینچیلیک ایشلری بیلن شغللنیب و هر منطقه نینگ اقلیمی گه قره‌ب، تورلی‌خیل سبزه‌وات ایکه‌دیلر.
اولر نینگ کوپه‌یتیریشلریچه، بو توغریده هیچ قنده‌ی ستندرد تعلیم کورمه‌گنلر و ایکینچیلیک اصولی نی عایله‌لریدن اورگنگنلر.
بیزلرنینگ «ایکس» ترماغی ده هم تعقیب قیلینگ!
هرات ولایتی انجیل تومنی‌ده‌گی دهقان عیال‌لردن سیما نینگ ایتیشیچه: «بیش-آلتی ییل بوله‌دی که ایکینچیلیک بیلن شغللنگن‌مین. پمیدار، بامیه، پالک، سبزه‌وات ایکه‌من و اونینگ یریمی نی ساته‌میز. بیر مقداری نی قوشنی‌لریم گه آلیب باره‌من که مینگه ساتیب بیره‌دیلر. شو یول آرقه‌لی باله‌لریم نینگ صرف-خره‌جتی نی قولگه کیلتیره‌من.»
مذکور ولایت انجیل تومنی‌ده‌گی دهقان عیال‌لردن باشقه بیری بی‌بی‌گل نینگ ایتیشیچه: «حاضرگچه بو توغریده بیزلر گه هیچ کیم تعلیم بیرمه‌گن. هیچ کیم بیران رهنمالیک قیلمه‌گن. کیچیک یاش‌دن بو ایش گه باشله‌گن‌میز. آته‌م ایکینچیلیک اوچون کیلگنی‌ده بیزلر هم کیله‌ر ایدیک که حاضر اوزیمیز بو ایش بیلن شغللنگن‌میز.»
باشقه بیر تاماندن، ایکینچیلیک اصولی نی آته‌سیدن اورگه‌نیب و ییل‌لردن بیری ایکینچیلیک بیلن شغللگن سیما نینگ کوپه‌یتیریشیچه، ایکینچیلیک یگانه درآمد منبع‌سی دیر و قیشلاق‌لرده‌گی عیال‌لردن قطاری بو یول آرقه‌لی عایله‌لری نینگ کونده‌لیک نیازلری نی تأمین قیله‌دیلر.
شونده‌ی بیرحالده، هرات ایکینچیلیک ریاستی مسئوللری نینگ ایتیشلریچه، حاضر ایسه اوشبو ولایت نینگ تومن‌لریدن قطاری‌ده قریب ۲۰ مینگ عایله ایکینچیلیک ایشلری بیلن شغللنگن؛ بیراق حاضرگچه عیال ایکینچی‌لر خصوصیده دقیق آمار قولده یوق.
بیزلرنینگ فیسبوک صحیفه‌میزگه باش اورینگ!
هرات ایکینچیلیک، چاروه‌چیلیک و سووغاریش ریاستی نینگ رواجلنتیریش بولیمی مسئولی بشیراحمد احمدی نینگ سلام‌وطندار گه ایتیشیچه: «هرات نینگ اوشبو نیچه تومنیده قریب ۲۰ مینگ ایکینچی عایله‌میز بار. دهقان عایله دیگنیمیز پیتده، عیاللر هم اولر گه شامل بوله‌دی و عیاللر خصوصیده دقیق سروی بولگنی یوق. اوشبو قریب ۲۰ مینگ ایکینچی عایله‌میز گه باله‌لر و عیاللر هم شامل دیر.»
احمدی نینگ کوپه‌یتیریشیچه، جاری قویاش ییل جریانیده، اوشبو ولایت‌ده‌گی ایکینچی عیاللر گه تعلیمی سیمینار‌لر نینگ یولگه قوییلیشی اوچون سعی‌وحرکت قیلماقده‌لر.
بولر گه علاوه، هرات محلی مسئوللری نینگ معلوماتی اساسیده، مذکور ولایت بویلب ۲۵۶ مینگ‌دن آرتیق عایله ایکینچیلیک و چاروه‌چیلیک بیلن شغللنگن. اولر گه کوره، هرات افغانستان بویلب اینگ کوپ ایکینچیلیک تولیدات گه ایگه بولگن ولایت‌لردن دیر.
