بوگون (پنجشنبه، ۶-میزان)، کابل بلدیه‌سی تامانیدن، کابل شهری نینگ غربی‌ده جایلشگن «پل سوخته» اوستیده، ایکینچی مرته یول بویی کتاب کورگزمهسی یولگه قوییلگن. اوشبو کورگزمه، ییگیتلر آره‌سیده کتاب اوقیش فرهنگی رواجلنیشی مقصد، یولگه قوییلگن دیر.
کابل شهری نینگ بیشینچی خوفسیزلیک حوزه اورین‌باسری رفیع‌الله احمدزی، مذکور کورگزمه نینگ آچیلیش چاغیده ایتیشیچه، اوشبو کورگزمه‌ده طبی، سیاسی، اجتماعی و عمومی معلومات بولیمی‌ده ۲ مینگ‌دن آرتیق کتاب، ایکی کونگچه نمایش گه قوییلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوشبو کورگزمه نینگ یولگه قوییلگنی‌دن مقصد، ییگیتلر نینگ کتاب اوقیش گه تشویق بویلیشی دیر. مذکور کورگزمه پل سوخته ساحه‌سیده یولگه قوییلگن که، اوتمیش‌ده بو ییرده مخدره ماده گه چلینگنلر مرکزی ایدی و بو مرکز نی فرهنگی مرکز گه اوزگرتیریش اوچون سعی و حرکت قیله‌میز و کیله‌سی آی‌لرده باشقه کورگزمه‌لر نینگ یولگه قوییلیشی ممکن.»
شونده‌ی بیرحالده، مذکور کتاب کورگزمهسی گه شرکت قیلگنلردن قطاری، نیازلری بولگن کتاب‌لر نینگ ساتیب-آلیش اوچون بو کبی کورگزمه‌لر نینگ یولگه قوییلیشی نی یخشی بیر فرصت بیله‌دیلر.
کابل یشاوچیسی و اوشبو کورگزمه گه شرکت قیلگنلردن بیری عبدالقادر نینگ سلام‌وطندار گه ایتیشیچه: «بو ییرگه، اوشبو ییرده‌گی کتاب‌لردن فایده‌لنیب و مطالعه قیلیش اوچون کیلدیک که بو رقم معلوماتیمیز کوپه‌یسین.»
شونینگدیک کابل یشاوچیسی و اوشبو کورگزمه گه شرکت قیلگنلردن باشقه بیری حمید‌الله نینگ ایتیشیچه: «بیر اوقیتووچی صفتیده، بو ییر گه کیلیب مطالعه قیلیش‌لری دیر. مطالعه بولمه‌گنی صورت‌ده، انسان نینگ حیاتی پیش کیتمه‌یدی و عزیز پیغمبریمیز (ص)، بیشیک‌دن قبرگچه علم ایزلنگ، دیب بویورگنلر.»
بیزلرنینگ «ایکس» ترماغی ده هم تعقیب قیلینگ!
افغانستان ناشرلر بیرلشمه‌سی مسئوللری گه کوره، حاضر ایسه مملکت بولیب ۱۵۰ ناشر نینگ فعالیتی بولگنی بیرحالده، بیراق اولردن کوپینچه‌سی بنکروت خوفی بیلن روپه‌ره دیر.
