کابل شهری دهافغانان منطقهسیدهگی یشاوچیلر و قول اوستیده سودا ساته‌دیگنلردن قطاری نینگ ایتیشلریچه، اوتگن ایکی ییل‌دن بویان یشاوچیلردن کوپینچه‌سی ایش‌سیز بولیب و انه شوو سبب، بیر لقمه نان قولگه کیلتیریش اوچون سرک‌لر گه چیقیب و قول اوستیده سودا ساتیش گه یوز کیلتیرگنلر.
کابل شهری نینگ اوشبو منطقه سرکلریده قول اوستیده سودا ساته‌دیگنلردن قطاری، کابل بلدیه‌سی تامانیدن ایشلش اوچون بدیل و مناسب مکان ایجاد ایتیلیشینی ایسته‌گنلر.
بیزلرنینگ فیسبوک صحیفه‌میزگه باش اورینگ!
کابل شهری دهافغانان منطقهسیدهگی قول اوستیده سودا ساته‌دیگنلردن بیری فیصل نینگ ایتیشیچه: «حاضرگی شرایط‌ده برچه ایش‌سیز قالگن، مین اوزیم هم حکومت اوزگرگنیدن کیین ایش‌سیز قالدیم و حاضر ارابه‌کش‌لیک قیله‌من، اسلام امیرلیگی کیلگنیدن بویان مینی تورت ته ارابه‌م نی آلیب کیتلدیلر، جاده آسمایی‌ده ایکی غرفه ساتیب آلدیم بیراق بیراز زمان اوتگنی‌دن کیین مین‌دن اونی آلیشدی‌لر، بیز ایش زمینه‌سی یره‌تیلیشی نی ایسته‌یمیز.»
شونینگدیک کابل شهری دهافغانان منطقهسیدهگی قول اوستیده سودا ساته‌دیگنلردن باشقه بیری نجیب‌الله نینگ ایتیشیچه: «بیز یول اوستیده ایشلش‌گه قیزیقمه‌یمیز، بیزنی هم قیینچیلیگی‌میز بار، بلدیه گه باشلیق‌لر تامانیدن امر بولسه، بیزلر گه اوی‌دن امر بوله‌دی که بیر لقمه نان اوی گه آلیب کیل دیب. بو ایش‌دن قول تارتسم نیمه ایش قیلیشیم کیرهک؟»
باشقه بیر تامان‌دن، کابل یشاوچیلریدن قطاری نینگ ایتیشلریچه، بیر اداره تامانیدن درست بیر ایش صورت تاپگونگه قدر، اولر گه بدیل ایش نظر گه آلینیشی کیرهک.
مذکور یشاوچیلر کابل بلدیه‌سی مسئوللریدن، پایتخت ده شهر ترتیبی توزه‌لیشی اوچون، قول اوستیده سودا ساته‌دیگنلر گه درست بیر ییر نظر گه آلینیشی کیرهک.
شونده‌ی بیرحالده، کابل بلدیه‌سی بیر اعلامیه ترقه‌تیش بیلن، سرک‌لر و پیاده یوللرده توار نینگ ساتیب-آلینیشی نی شهر سطحی‌ده بویوک تخلف عنوان قیلگن.
کابل بلدیه‌سی سوزلاوچیسی نعمت‌الله بارکزی نینگ سلام‌وطندار گه ایتیشیچه، سرک‌لر و پیاده یوللر اهالی و موترلر نینگ اوتیب-قیتیشی اوچون دیر و کراچی‌لر بیلن قول اوستیده سودا ساته‌دیگنلر آرقه‌لی شهر ترتیبی بوزیلیشی خصوصیده هیچ کیم گه رخصت بیریلمه‌یدی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «همه بیلگن‌دیک یول چیککه‌لری پیاده یوریش اوچون دیر شونینگدیک یوللر موترلر اوتیشی اوچون، بیز هیچ بیر کیمسه‌گه ساتووچیلیک بهانه‌سی بیلن بو یول‌لرنی بند قیلیش‌گه رخصت بیرمه‌یمیز، بیز شهرگه ترتیب کیلتیریش اوچون جدی‌میز.»
کابل بلدیه‌سی اوشبو اعلامیه‌ده ایتیشیچه، سرک‌لرده قول اوستیده سودا ساته‌دیگنلر نینگ حضوری، شهری قانون گه قرشی بولیب و متخلفلر بیلن قانونی یانده‌شیلیشی ممکن.
