ینگی ییل ییتیب کیلیشی عرفه‌سیده، کابل شهری بادام‌باغی ده ایکینچیلیک، سوغاریش و چاروه‌چیلیک وزیرلیگی تامانیدن ایکینچیلیک محصولات‌لر نینگ ۲۸_دور کورگزمه‌سی آچیلگن و تورت کونگچه دوام تاپیشی کوتیله‌دی.
مذکور کورگزمه ده، ایکینچیلیک، باغ‌دارلیک، قول صناعتی، ایکینچیلیک اوسکونه‌لری، طبی اوسیم‌لیکلر، ۲۶۳ غرفه ده که ۵۶ غرفه عیاللر گه تیگیشلی دیر کورگزمه گه قوییلیشی ممکن.
مسئوللر گه کوره، اوشبو کورگزمه ایکینچیلیک سکتورنی قوللب_قوتلش و دهقانچیلیک محصولات‌لر گه مناسب بازار قیدیریش مقصدیده یولگه قوییلگن.
بیزلرنینگ فیسبوک صحیفه‌میزگه باش اورینگ!
ایکینچیلیک، سوغاریش و چاروه‌چیلیک وزیرلیگی نینگ سرپرستی عطاءالله عمری نینگ ایتیشیچه: «ایچکی و دنیا تجارلری، ایکینچیلیک وزیرلیگی نینگ یوتوق‌لری دن آگاهی‌لیک تاپیش و دهقانلر نینگ محصولات‌‌لرینی کوریش اوچون اوشبو کورگزمه یولگه قوییله‌دی.»
ایکینچیلیک، سوغاریش و چاروه‌چیلیک وزیرلیگی نینگ معینی بازمحمد فیضان گه کوره: «دهقانلر نینگ سوو قیینچیلیکلری حلی اوچون سوو توغان‌لری قوریلیشی کیره‌ک، کیله‌سی ییل ده ایکینچیلیک ترقیاتی و اوسیشی اوچون ایکینچیلیک باشقه ساحه‌لریده هم دقت قیلینیشی لازم.»
اوشبو ییل افغانستان قورغاقچیلیک و تورلی ولایت‌لرده دهشتلی سوو تاشقینی یوز بیریب و دهقان‌لرنی جدی خوف بیلن دوچ قیلگن بیر حالده، دهقانچیلیک محصولات‌لر کورگزمه‌سی یولگه قوییلماقده.
بدخشان دن مذکور کورگزمه ده اشتراک ایتگن همایون نینگ ایتیشیچه: «اوتگن ییل‌لری یخشی ایدی، یشاوچیلر کوپ کورگزمه گه اشتراک ایتر ایدیلر، پول و سودا بار ایدی، بیراق حاضر اوتمیش ییل‌لر کبی ایمس چونکه یشاوچیلر نینگ اقتصادی ضعیف دیر.»
هرات دن اوشبو کورگزمه ده اشتراک ایتگن محمدحسیب رجاعی گه کوره: «اوتمیش ییل‌لر گه نسبتن بو ییل زعفران حاصلی یخشی ایدی. محصولاتیمیز گه بازار قیدیریش مقصدیده بو کورگزمه گه اشتراک ایتدیک.»
اوشبو کورگزمه ده اشتراک ایتگن عیاللر، مملکت نینگ اقتصادی ترقیاتی اوچون بو گَل کورگزمه‌لرده عیاللر گه کوپراق سهم بیریلیشینی سوره‌یدیلر.
ناجیه، ایش اویی ایجاد قیلیش بیلن ۵۰ دن آرتیق عیال نی ایش بیلن تأمینله‌گن ایتیشیچه، دهقانچیلیک و اقتصاد ساحه‌لریده عیاللر نینگ فعالیتی قوللب_قوتله‌نیشی کیره‌ک.
او نینگ کوپه‌یتیریشیچه: «عیاللر اوزلرینی اوزی تأمینلش اوچون بو گَل برنامه‌لرده اولر قوللب_قوتله‌نیش‌لری کیره‌ک، چونکه کوپ سانده عیاللر عایله‌لری نینگ سرپرستی دیر و ایش گه نیازمندلر.»
ایتیش کیره‌ک که، اوتگن ییل‌لرده افغانستان ده ایکینچیلیک بولیمیده کوپ سرمایه یاتقیزیلیشی بیلن، حاضرگچه اوشبو سکتور سنتی شکلده قالیب و زمانه‌وی‌لشتیریش اوچون هیچ ایش بولمه‌گن.
بیزلرنینگ توییترده هم تعقیب قیلینگ!
مذکور کورگزمه ده اشتراک ایتگن‌لر و دهقانلر، دهقانچیلیک صناعتی بولیشی اوستیگه تأکیدلش گه قوشیمچه، اوشبو بولیم قوللب_قوتله‌نیشینی طلب قیلگنلر.
کابل ده میوه تولید قیلووچیلر اتفاقی اورین باسری عبدالرحمان ناصری نینگ ایتیشیچه: «قطار ولایت‌لرده ایکینچیلیک انجمن‌لری و اتحادلری ایجاد بولگن؛ بیراق اولر بیلن هیچ همکارلیک بولمه‌گن. ایکینچیلیک محصولات اوچون ستندرد ساووقخانهلر و ایشلب چیقریش مرکزلر قوریلیشینی ایسته‌یمیز.»
عین‌حالده، هر ییلی افغانستان نینگ ایکینچیلیک محصولات‌لریدن کوپ مقداری، ستندرد و ییترلی ساووقخانهلر یوق‌لیگی باعث اورته دن کیتیب یا ده ارزان نرخ ده قوشنی اولکه‌لر گه صادر بوله‌دی.
