«مینه» اسملی عیاللردن حمایت قیلووچی بیر نهاد، آلتینچی صنف دن یوقاری قیز اوقووچیلر نینگ بیر ییل‌لیک قول صناعت‌لری کورگزمه‌سینی بیر کون اوچون یولگه قویگن.
مذکور نهاد مسئوللریدن بولمیش فرخنده کوهستانی گه کوره، اوشبو کورگزمه دن اساسی مقصد آلتینچی صنف دن یوقاری قیز اوقووچیلر نینگ قول صناعت‌لرینی رواجلنتیریش دیر.
اونینگ ایتیشیچه: «بیر ییل دن بیری آلتینچی صنف دن یوقاری قیزلر نینگ مکتبی یاپیق دیر و مینه نهادی، قول صناعتی و تیکووچیلیکنی اورگه‌نیش زمینه‌سینی یره‌تگن.»
بیزلرنینگ فیسبوک صحیفه‌میزگه باش اورینگ!
آلتینچی صنف دن یوقاری قیز اوقووچیلردن بیرقطاری نینگ ایتیشلریچه، اوی گه اولتیریش و ایش‌سیزلیک اورنیده، آرزولری قرشی گه تیکووچیلیک و قول صناعتینی اورگه‌نیش گه یوز کیلتیرگنلر.
اوقووچیلردن سحر، اسلام امیرلیگی حاکمیتیدن آلدین مکتب باریب و شفاکار بولیشنی آرزو قیلردی؛ لیکن حاضر آرزو لری گه قرشی تیکووچیلیک نی اورگه‌نیشگه یوز کیلتیرگن. او اسلام امیرلیگیدن آلتینچی صنف دن یوقاری قیزلر گه مکتب باریش رخصتی بیریلیشینی طلب قیله‌دی.
سحر نینگ کوپه‌یتیریشیچه: «بیر ییل دن بیری مکتب بارگنیمیز یوق، تیکووچیلیک و قول صناعتینی اورگه‌نیش گه مجبور بولدیک، اسلام امیرلیگی دن مکتب‌لر ایشیگی آچیشینی ایسته‌یمیز.»
قیز اوقووچیلر نینگ ایتیشلریچه، قول صناعت‌لری و تیکووچیلیک نی اورگه‌نیش بیلن عیاللر نینگ کییمی، اوی‌لر نینگ بیزه‌لتیریش و باله‌لر اویینچاق‌لرینی تیارله‌ی آله‌دیلر.
بیزلرنینگ توییترده هم تعقیب قیلینگ!
اوقووچیلردن باشقه بیری زینب، اهالی دن خاتین قیزلر نینگ قول صناعتینی قوللب_قوتلشینی طلب قیله‌دی.
اونگه کوره: «سیزلر عیاللر نینگ قول صناعت‌لریدن بیرینی ساتیب آلیش بیلن، مملکت اقتصادی ترقیاتی اوچون سهم آلیشینگیز ممکن.»
مینه نهادی، بوگون قول صناعتی و تیکووچیلیکنی اورگه‌نیش دوری دن فارغ بولگن ۵۰ قیز گه، فراغت حجتی بیردی.
