پرتگالنینگ فوتبال بوییچه افسانهوی یولدوزی کریستیانو رونالدو و ارجنتاینلیک مدل جورجینا رودریگز نکاح قیلدی.
رونالدو، اجتماعی ترماقلرده نکاح اوزوکلرینینگ صورتینی اعلان قیلدی.
معلوماتلر گه کوره، اوشبو مراسم ۲۰ اسد/۱۱ آگست، سهشنبه پرتگالنینگ کاسکایس شهریده اوتکزیلگن.
۴۱ یاشلی کریستیانو رونالدو و ارجنتاینلیک مدل ۳۲ یاشلی جورجینا رودریگز، بیرینچی مرته میلادی ۲۰۱۶ ییلده، جورجینا اسپانیا پایتختی مادرید شهریده دکانلریدن بیریده ایشلهیاتگن پیتده تنیشگن. جورجینا بو تنیشوونی «بیر قرهشده سیوگی» دیب تعریفلهیدی.
کریستیانو رونالدو و جورجینا رودریگز، میلادی ۲۰۱۶ ییلدن بویان بیرگه حیات کیچیریب کیلماقده. اولر حاضرگچه بیش فرزند آته-آنهسی بولگن.
