اسلام امیرلیگی ایکینچیلیک، سووغاریش و چارواچیلیک وزیری عطاءالله عمری، ایران ایکینچیلیک جهاد وزیری غلامرضا نوری قزلجه بیلن اوچرهشدی.
ایکینچیلیک وزیرلیگی، بوگون (۲۱ اسد/۱۲ آگست، چهارشنبه) بیر بیانیه ترقهتیب، اوشبو اوچرهشووده عمری و نوری قزلجه ایکینچیلیک بولیمیده افغانستان و ایران اورتهسیدهگی همکارلیکلر مستحکملنیشی همده آلیش-بیریش مسئلهلری بحث گه آلینگنینی یازگن.
بیانیه گه کوره، بو اوچرهشووده ایکی مملکتنینگ تخنیک هیئتلری اوتمیشده ایریشیلگن ۱۶ بندلیک کیلیشوو بوییچه ایشلرنی باشلش همده اولرنی عملده بجریش اوچون ضرور شرایطلر یرهتیلیشی تکلیف قیلینگن.
ایکینچیلیک وزیرلیگی بیانیهسیده، افغانستاندن ایران گه ینگی ایچکی و قوی گوشتینی صادر قیلیش، شونینگدیک ایراندن افغانستان گه گوشت، یومورتقه و جوجه آلیب کیلیش مسئلهلری هم بحث گه آلینگن.
ایران ایکینچیلیک جهاد وزیری غلامرضا نوری قزلجه باشچیلیگیده اوشبو مملکت هیئتی، بوگون اسلام امیرلیگی رسمیلری بیلن اوچرهشیش همده ایکینچیلیک و چارواچیلیک خلقارا کورگزمه گه اشتراک ایتیش مقصدیده کابل گه کیلدی.
