هندوستان باش وزیری نارندرا مودی، اوزبیکستان جمهور باشلیغی شوکت میرضیایفنینگ تکلیفی گه بناً ایکی کونلیک سفرده ایرته اوزبیکستان گه بارهدی.
اوزبیکستان جمهورلیک ریاستی، بوگون (۶ سنبله/۲۸ آگست، جمعه) بیر بیانیه ترقهتیب بو حقده خبر بیردی.
بیانیه گه کوره، مودی اوشبو سفری دایرهسیده اوزبیکستان عملدارلری اینیقسه بو مملکت جمهور باشلیغی شوکت میرضیایف بیلن اوچرهشیب، اوزبیکستان-هندوستان استراتیژیک شیریکلیک مناسبتلرینی ینهده رواجلنتیریش و مستحکملش همده کوپ قیرهلی همکارلیکنی کینگهیتیریش مسئلهلری حقیده بحث ایتیشلری کوتیلهدی.
بیانیهده شونینگدیک، تامانلر تیزیملی سیاسی ملاقات و مدنی-انسان پرورلیک کیلیشوونی کینگهیتیریش، سودا، انرژی، جیالوجی (زمینشناسلیک)، ساغلیقنی سقلش، دارو سازلیک، زراعت، ماشینه سازلیک و اقتصادیاتنینگ باشقه ترماقلریده انیق دستورلر و لایحهلرنی ایلگری سوریش حقیده بحث ایتیشلری قوشیمچه قیلینگن.
اوزبیکستان و هندوستان ییریک عملدارلری بو ملاقاتده، خلقارا سیاست و منطقهده دوام ایتهیاتگن مسئلهلری همده کوپ تامانلمه توزیلمهلر دایرهسیدهگی همکارلیک یوزهسیدن فکر المشتیریشلری ممکن.
اوچرهشوو یکونیده ایکی تامانلمه حجتلرنینگ سلماقلی توپلمینی امضالش کوزده توتیلگنی ایتیلگن.
