آذربایجان جمهور باشلیغی الهام علیاوف، اوکراین جمهور باشلیغی ولودیمیر زلنسکی بیلن اوچرهشووده، بو مملکت حدودی یخلیتلیگینی قوللب-قوتلشینی معلوم قیلیب و اوکراین ییتکچیسی گه بیرگهلیکده قورال ایشلب چیقریشنی تکلیف قیلگن.
ییتکرمهلرنینگ معلوماتیگه کوره، اوشبو اوچرهشووده علیاوف، آذربایجان و اوکراین خلقارا تشکیلاتلرده اوز دولتلرینینگ حدودی یخلیتلیگینی دایمی روشده قوللب-قوتلب کیلگن و بوندن کیین هم شوندهی دوام ایتتیریشنی بیلدیرگن.
اوچرهشوو دوامیده، تامانلر حربی-تخنیک همکارلیک مسئلهسینی هم محاکمه قیلگن. علیاوفنینگ ایتیشیچه، هر ایکی دولتده هم مدافعه صناعتی رواجلنماقده و بو ساحهده قوشمه ایشلب چیقریش اوچون کتته امکانیت موجود. او شونینگدیک، اوکراین جمهور باشلیغیدن ایکی مملکت بیرگه قورال ایشلب چیقریشنی تکلیف قیلگن.
زلنسکی ایسه، ایکی دولت اورتهسیده مدافعه صناعتی بوییچه همکارلیکنی کینگهیتیریش مهملیگینی تأکیدلهگن. او، اوکراین و آذربایجان بیر نیچته ساحهلرده، جملهدن انرژی و انسان سیورلیک یونهلیشده هم همکارلیکنی چقورلشتیریش بوییچه بیر نیچته حجتلر امضالهگنینی ایتگن.
شونینگدیک، زلنسکی اگر روسیه راضی بولسه، اوکراین روسیه بیلن اوچ تامانلمه (امریکا-اوکراین-روسیه) مذاکرهلرنی دوام ایتتیریشگه تیار ایکنینی بیلدیرگن. او ایلگری هم تورکیه و سوریهده شونگه اوخشش اوچرهشوولر اوتکزیلگنینی ایسلتگن.
بو ایکی دولت لیدرلری اوچرهشووی، آذربایجاننینگ غَبَله شهریده بولیب اوتگن.
