تاجیکستاننینگ پنجکینت شهریده محلی حاکمیت و حقوقنی محافظه قیلوچی ارگانلر، ملی عنعنهلر گه ماس کیلمهیدیگن کییملرنی تیکشیریش کمپاینینی باشلهگن.
ییتکرمهلرنینگ معلوماتیگه کوره، ۱۳ اسد/۴ آگست کونی خلق دیموکراتیک حزبینینگ محلی بولیمی تامانیدن اعلان قیلینگن صورتلرده رسمیلر ساچ، بویین و ییلکهنی یاپیب تورهدیگن مسلمان رومالینی تاققن عیاللر و قیزلر بیلن صحبتلشهیاتگنی، اولر یانیده ایسه پولیس خادمی تورگنینی کوریش ممکن.
حاکمیت، بو کمپایننینگ مقصدی، «بیگانه مدنیت کیریب کیلیشینینگ آلدینی آلیش و ملی اوزیگه خاصلیک سقلب قالیش» ایکنینی بیلدیرگن. بیراق کمپاینده قنچه عیال و قیزلر تیکشیریلگنی حقیده ایضاح کیریتیلمهگن.
حجاب کییب یورهدیگن و حاکمیت وکیللری بیلن صحبتدن اوتگن ایریم عیاللر ایشی یا کی شخصی حیاتیده معمالر یوزه گه کیلیشیدن خواطرلنیب، ژورنالیستلر گه صحبت تفصیلاتلرینی آچیقلشدن باش تارتگن.
ایتیب اوتهمیز، میلادی ۲۰۲۴ ییل جون آییده تاجیکستان جمهور باشلیغی امامعلی رحمان، «بالهنی اوقیتیش و تربیهلش اوچون جوابگرلیک» توغریسیدهگی قانون همده حقوق بوزرلیکلر توغریسیده تخلف کیریتیلگن اوزگرتیریشلرنی امضالهگن. اولر گه موافق، «ملی مدنیت گه ضد» دیب بهالنگن کییملرنی آلیب کیریش، ساتیش، ترغیب قیلیش و کییش تقیقلنگن.
