تورکیه جمهور باشلیغی رجب طیب اردوغان و امریکا جمهور باشلیغی جوبایدن، سه‌شنبه کونی، ۲۰ سرطان، لیتوانیا ده ناتو باشلیغ‌لری نینگ ییغیلیش دایره‌سیده اوچره‌شیب و ملاقات قیلگنلر.
اوشبو اوچره‌شووده رجب طیب اردوغان، استراتیژیک میکانیزم دایره‌سیده مملکت‌لر نینگ باشلیغ‌لری بیلن مذاکره قیلیش زمانی کیلگن‌لیگینی معلوم قیلگن.
بیزلرنینگ فیسبوک صحیفه‌میزگه باش اورینگ!
اردوغان نینگ بایدن گه ایتیشیچه: «آلدینگی اوچره‌شوولریمیز تشریفاتی کبی ایدی، بیراق حاضر ینگی جریان‌نی باشله‌یمیز.»
تورکیه دولت رهبری بایدن بیلن ملاقاتیده، ایکی مملکت نینگ مناسبت‌لری مستحکم‌لنیشی اوستیده تأکید ایتگن.
امریکا جمهور باشلیغی جوبایدن، رجب طیب اردوغان بیلن ملاقاتینی یوقاری دیه بهاله‌گن.
مذکور اوچره‌شووده، تورکیه تشقی ایشلر وزیری هاکان فیدان، استخبارات تشکیلاتی باشلیغی ابراهیم کالین، جمهورلیک ریاستی نینگ مناسبت‌لر ایشلری بوییچه مدیری فخرالدین آلتون و تورکیه جمهورلیک ریاستی نینگ یوکسک مصلحتچیسی چاغاتای قیلیچ هم اشتراک ایتگن ایدیلر.
بیزلرنینگ توییترده هم تعقیب قیلینگ!
ایتیش کیره‌ک که، ناتو باشلیغ‌لری نینگ ییغیلیشی دن آلدین مذکور ایکی مملکت لیدرلری تیلیفونی صحبت قیلیب ایریم موضوع‌لر اینیقسه تورکیه نینگ اروپا اتفاقی گه قوشیلیشینی بحث گه آلگندیلر.
