بیرلشکن ملتلر تشکیلاتی نینگ افغانستاندهگی اورین باسرلیک هیات دفتری یا یوناما نینگ اعلان قیلیشیچه، اوشبو تشکیلات خوفسیزلیک کینگشی بوگون افغانستان نینگ وضعیتیگه دایر ییغین اوتکزهدی.
یوناما نینگ ایتیشیچه، مذکور ییغین کیچه ساعت ۷:۳۰ افغانستان وقتی بیلن باشلهنیب و اوشبو ییغیننی ناروی باش وزیری یوناس گار استوره ییتکچیلیک قیلیشی کوتیلهدی.
بیزلرنینگ فیسبوک صحیفهمیزگه باش اورینگ!
بیانات اساسیده بیرلشکن ملتلر تشکیلاتی نینگ باش کاتبی آنتونیو گوترش، بیرلشکن ملتلر تشکیلاتی نینگ افغانستان ایشلری بوییچه مخصوص وکیلی دیبرا لاینز و ناروی تشقی ایشلر وزیری آنیکن هویتفلد افغانستان نینگ وضعیتی خصوصیده بیرلشکن ملتلر تشکیلاتی نینگ خوفسیزلیک کینگشیگه گزارش بیرهدیلر.
بیرلشکن ملتلر تشکیلاتی نینگ افغانستان وضعیتینی تیکشیریش باره سیده خوفسیزلیک کینگشی ییغینی، اسلواوچ کونلیک ییغینی یکونیدن کیین اوتکزیلهدی.
بیزلرنینگ توییترده هم تعقیب قیلینگ!
اسلو ییغینی اسلامی امارت هیاتی، افغانستان مدنی جماعهچیلیک فعاللری و آمریکا، بریتانیا، ناروی، آلمان، فرانسه و اروپا اتفاقی نینگ مخصوص نمایندهلری اشتراکی بیلن اوشبو هفته یکشنبه کونی باشلندی.
ناروی تشقی ایشلر وزیری آنیکن هویتفلد گه کوره، اسلو ییغینیده خاتینقیزلر و بشر حقوقی، سیاسی ایرکینلیک و همه شمول حکومت شکللنیشی بوییچه انیق خواستلر دنیا جماعهچیلیگی تامانیدن اسلامی امارتگه آچیقلنگن، کوریلسین اسلامی امارت بو خواهش-ایستکلرگه قندهی جواب قیتیرهدی.