برازیلنینگ «ریودوژانیرو» شهریده سیاحتچیلیک بیر تیکاوچرنینگ قولشی عاقبتیده، تورت کیشی اولگن.
الجزیره خبری ترماغینینگ بوگون (۱۸-اسد/۹-اگست، یکشنبه)، گزارش بیریشیچه، اوشبو واقعه شنبه کونی تیجوکا ملی پارکیده یوز بیرگن.
گزارش اساسیده، کلمبیالیک اوچ عیال تیکاوچر آرقهلی شهر چیتیدهگی اورمان بیلن یاپیلگن تاغلی حدود، تیجوکا ملی پارکی اوستیدن سیر قیلیب و منطقهلرنی کورماقچین ایکنلر.
ریودوژانیرو بلدیهسی ادواردو کاوالیره، بو واقعهدن کیین بو شهرده تیکاوچرلر اوچیشیگه نظارت کوپهیشینی ایستهب و ینگی خوفسیزلیک چاره-تدبیرلر عملگه آشیریلیش جریانیده اوشبو اوچیشلرنینگ «بیر یا-ده ایکی هفتهگچه» توختهتیلیشینی تکلیف بیرگن.
شهر اوستیدن ریودوژانیرو دهگی چیرایلی جایلرنی کوریش اوچون تیکاوچر بیلن اوچیش، بو شهرنینگ اینگ مشهور فعالیتلریدن بیری دیر؛ لیکن مذکور اوچیشلر خوفسیزلیگی حقیدهگی خواطرلر کوپهیگن.
ایتیش کیرهک که جون آییده هم ریودوژانیرو فضاسیده ایکی تیکاوچرنینگ توقنشووی نتیجهسیده، آلتی کیشی اولگن ایدی.
