غزه شهریده یاردم بیرووچی کوچلری، یشش بیر بنانینگ ویرانهلری آستیدن ۱۹ جسدنی چیقرگنلر؛ بو بیلن بیرگه، شونینگدیک غزه بویلب ویرانهلر آرهسیده حاضرگچه ۸۰۰۰ دن آرتیق کیشی لادرک دیر.
الجزیره خبری ترماغینینگ بوگون ایرتهلب (۱۸-اسد/۹-اگست، یکشنبه)، گزارش بیریشیچه، غزه ده ویرانهلر آستیدن جسدلرنی چیقریش عملیاتی، آغیر ماشینلر و جهازلر کملیگی سبب، کوپراق قول بیلن عملگه آشیریلماقده.
غزه مدنی مدافعه نهادی بیر بیانیه آرقهلی اعلام قیلیشیچه، عیاللر و بالهلردن عبارت ۱۹ جسد، غزه شهریده بوزیلگن یشش بیر بنانینگ ویرانهلری آستیدن چیقریلگن.
غزه مدنی مدافعه رسمیلرینینگ ایتیشلریچه، قوتقروو خادملری آغیر جهازلر یوقلیگی سبب، اسرائیل هجوملریدن قالگن کته بتن قطعهلرینی آلیب تاشیش اوچون دستلبکی اوسکونهلر و قول محنتیگه تینماقده.
شونینگدیک غزه ساغلیقنی سقلش وزیرلیگینینگ اعلام قیلیشیچه، شونینگدیک بو منطقه بویلب حاضرگچه ۸۰۰۰ دن آرتیق کیشی ویرانهلر آستیده لادرک دیر.
اوشبو وزیرلیکنینگ سونگی معلوماتی اساسیده، اوتگن ییل ۱۱-اکتبر ده آتیش کیسین برقرار بولگنیدن بویان، کمیده بیر مینگ ۲۵۴ کیشی اولیب، تورت مینگ ۱۲۱ کیشی یرهلنگن همده ۸۰۴ جسد ویرانهلر آستیدن چیقریلگن.
۲۰۲۳-ییل اکتبر آییدن حاضرگچه قربان بولگنلرنینگ توپلم سانی ۷۳ مینگ ۳۰۰ دن آرتیق کیشیگه ییتیشیب و یرهلنگنلر سانی ایسه ۱۷۴ مینگ کیشیدن آشگن.
