اسلام امیرلیگی باش وزیرینینگ اداری اورین باسری مولوی عبدالسلام حنفی، هراتده آزیق-آوقت و داری-درمان همده طبی محصولاتلر صفتینی نظارت قیلیش لابراتوارنینگ آچیلیش مراسمیده، مملکتنینگ تورلی حدودلریده بوندهی مرکزلرنینگ تشکیل ایتیلیشی صفتسیز آزیق-آوقت و داری-درمانلرنینگ آلیب کیریلیشی همده ایشلب چیقریلیشلرنینگ آلدینی آلیشینی بیلدیردی.
اونینگ کوپهیتیریشیچه، بوندن ایلگری داری-درمان و آزیق-آوقت محصولاتلریدن نمونه آلیش و اولرنی تیکشیریش کوپ وقت طلب قیلردی، بیراق زونلرده لابراتوارلر تشکیل ایتیلیشی بیلن بو جریان هر بیر حدودنینگ اوزیده عملگه آشیریلهدی.
حنفینینگ ایتیشیچه، اوشبو مرکزده غرب زونیدهگی فابریکهلرده ایشلب چیقریلگن محصولاتلر تیکشیریلیب و سیناودن اوتکزیلهدی، بیلگیلنگن ستندردلر گه ضد روشده صفتسیز محصولات ایشلب چیقرهدیگن شرکتلر گه نسبتن جدی چارهلر کوریلهدی و اولر قاره رویخط گه کیریتیلیشی ممکن.
او، سوداگرلردن آزیق-آوقت و داریلرنی صفتلی ییتکزیب بیریشگه جدی اعتبار قرهتیشلرینی سورهگن.
