روسیه حربی کوچلرینینگ اوکراین ایریم حدودلریگه اویوشتیرگن هجوملری عاقبتیده ایکی کیشی هلاک بولگن و ینه ۲۹ کیشی یرهلنگن.
ییتکرمهلرنینگ معلوماتیگه کوره، روسیه بوگون (۱۸ اسد/۹ آگست، یکشنبه) ایرتهلب اوکراین ایریم حدودلری جملهدن خارکیف و اودسا ولایتلریگه راکته همده درانلر بیلن هجوم قیلگن.
قید ایتیلیشیچه، خارکیفنینگ سالتوفسکی تومنیگه بیریلگن راکته ضربهسی عاقبتیده کوپ قووتلی تور جای بناسی ضرر کورگن. ۵۰ و ۶۶ یاشلی ایکی ایرکک هلاک بولگن. کمیده ۲۱ کیشی یرهلنگن.
اودسا ولایتیگه ایسه اونلب راکته و درانلر بیلن هجوم قیلینگن. هجوم عاقبتیده آست قوریلمهلر و تورر جای بنالر ضرر کورگن. اودسانینگ ایکی تومنیده بیر نیچته اویلر شکستلنگن و قسماً بوزیلگن.
سونگی معلوماتلر گه کوره، اودساده سکیز کیشی جراحتلنگن. اولردن ییتی نفرینینگ احوالی اورتچه آغیر. جبرلنگنلرنینگ اکثریتی پارتلش عاقبتیده ساچیلگن تیمیر پرچهلرینینگ تیگیشی عاقبتیده جراحتلنگن.
ایسلهتیب اوتهمیز، اوکراین اوتگن کیچه روسیهنینگ بیر قطار حدودلریگه هجوم قیلگن بیرحالده، بو هجوملر اویوشتیریلگن.
