قندوز مسوول‌لری نینگ ایتیش‌لریچه، بوگون “جمعه” ساعت ۱:۳۰ ده غضب‌لی نماز اوقووچی‌لردن یوزلرچه‌سی اوشبو ولایت نینگ فیروزکوهی مسجدی امامی نینگ دستوری بیلن ۳ محلی رادیو اوستیگه هجوم قیلگن. رادیو زهره، رادیو کیهان و رادیو چراغ نماز اوقووچی‌لر تامانیدن هجوم آستیگه قرار بیریلگن رادیولر جمله‌سیدن دیر. منبع‌لرگه کوره، هجومچی‌لر رادیو زهره نینگ نشراتی وسایل‌لرینی تخریب قیلگن‌لر.
زهره رادیوسی مسوولی محسن احمدی نینگ سلام‌وطندارگه ایتیشیچه، موسقی سیسی اوشبو مسجد نینگ «سوند سیستمی» بیلن بیر بولگن پیتده مسجد امامی هجوم قیلیش اوچون بویروغ بیرگن، بیراق نماز اوقووچی‌لر تدقیق قیلمسدن رادیو نینگ دفتری اوستیگه هجوم قیلگن.
جناب احمدی نینگ کوپه‌یتیریشیچه، اولر برق بولمه‌گنی سبب، ایرته‌لب ساعت ۹ باشلب ساعت ۱:۳۰ گچه نشرات بیرمه‌گن. جناب احمدی گه کوره، نماز اوقووچی‌لر مذکور رادیو نینگ تخنیکی و دفتری وسایل‌لرینی نابود قیلگن.
او، قندوز محلی حکومتی و میدیالردن حمایت قیلووچی نهادلردن اوشبو واقعه‌نی تیکشیریش‌لرینی سوره‌گن.
قندوز محلی مسوول‌لری حاضرگه‌قدر بوتوغریده فکر بیلدیرمه‌گن.
