ایران اردوسی، پهپادی هجوملر بیلن کویت ده امریکانینگ مهم پایگاهلری نشانگه آلینگنینی معلوم قیلگن.
تسنیم آژانسی بوگون (۹-اسد/ ۳۱-جولای، جمعه)، ایران اردوسیدن نقل قیلیب گزارش بیریشیچه، امریکا کوچلری هجوملریگه جواب «صاعقه» عملیاتینینگ ییگیرمه ییتینچی باسقیچیده، کویت ده امریکانینگ مهم پایگاهلری نشانگه آلینگن.
ایران اردوسینینگ بیانیهسیده کیلیشیچه، بو عملیات ده کویت دهگی احمد الجابر پایگاهسیده امریکانینگ قوریقچی اوچاقلر انشاآتلری، صنعی یولداش علاقه تیزیملری همده جهازلر انبارلری پهپادلر یاردمی بیلن نشانگه آلینگن.
قیسقه مدتلی دوام ایتگن نسبی تینچلیکدن کیین، اورته شرق ینه بیر مرته تهران و واشینگتن آرهسیدهگی هجوملر گه شاهد بولدی. امریکا قوشمه ایالتلرینینگ مرکزی قوماندانلیگی (سنتکام)، اوتگن کون ایران سپاه پاسداران گه تیگیشلی اونلب نشانگه قرشی هجوملری ینگی تولقینینینگ یکونلنتیرگنینی معلوم قیلدی.
بو بیلن بیرگه، ایران ییتکرمهلری قشم جزیرهسیگه هجوم اویوشتیریلگنی و ایران غربیده پارتلشلر یوز بیرگنیدن خبر بیردی. هرمزگان محلی رسمیلرینینگ اعلام قیلیشیچه، قشم جزیرهسیگه اویوشتیریلگن هجومده اوچ کیشی اولیب و باشقه ایکی کیشی یرهلنگن.
ایران سپاه پاسداراننینگ کوپهیتیریشیچه، هرمز بوغوزی امریکا تهدیدی بولگنی پیتگچه، قیته آچیلیشی ممکن ایمس.
