رویترز نشریگه کوره، ایران چین بیلن توزیلگن قورال-یراغ بیتیمی دایرهسیده اوشبو مملکتدن ۴۰۰ تگچه ییلکهدن اوچیریلهدیگن راکته ساتیب آلگن.
رویترز، بوگون (۷ اسد/۲۹ جولای، چهارشنبه) اوچ منبع گه اساسلنیب ایتیشیچه، ایران کیلهسی هفتهلرده اوشبو اوسکونهلردن بعضیلرینی قولگه کیریتیشی ممکن.
گزارش اساسیده، چیندن ساتیب آلینگن بو حربی اوسکونهلرنینگ قیمتی ۶۰ دن ۷۰ میلیون دالر تخمین ایتیلگن.
منبعلرنینگ رویترز گه ایتیشیچه، حربی اوسکونهلرنی ساتیب آلیش کیلیشووی امضالنگن بولسه-ده، بیراق تاپشیریش جریانی، نهایی سانلری اوزگریش احتمالی بار. منبعلر گه کوره، ایران و چین اورتهسیدهگی کیلیشوو اساسیده اوسکونهلر چین غربیده اورومچی شهریدن دستلب هوا آرقهلی و کیین ایسه پاکستان آرقهلی ایران گه تاپشیریلهدی.
ایران تشقی ایشلر وزیرلیگی بو حقده فکر-ملاحظه بیلدیرگن بولمسه-ده، بیراق چین تشقی ایشلر وزیرلیگی اوشبو گزارشنی رد ایتیب و بو مملکت هردایم صلح کیلیشووی و ماجرالر گه چیک قوییش اوچون ایجابی رول اوینب کیلگنینی ایتگن. شو بیلن بیرگه، پاکستان اردوسی هم، چیننینگ هوا مدافعه تیزیملری ایران گه بیریلیشیده بو مملکت ارهلشووینی ناتوغری دیگن.
