اوکراین جهمور باشلیغی ولودیمیر زلنسکی، بو مملکت روسیه هجوملریگه جواباً اوزاق مصافه گه حرکت قیلووچی قوراللردن فایدهلنگن حالده، عملیاتنی کینگهیتیریش گه تیارگرلیک کورهیاتگنینی بیلدیردی.
زلنسکی، ۲۸ سنبله/۱۹ سپتمبر، شنبه کونی اوکراین قوراللی کوچلری باش قوماندانی و مدافعه وزیری بیلن اوچرهشودن سونگ بوندهی دیگن.
اونگ ایتیشیچه: «اوزاق مصافهلر گه ضربه بیریش امکانیتلریمیزنی کینگهیتیریش گه تیارلهیپمیز.»
اوکراین جمهور باشلیغی، بو عملیاتلر مقصدی، قچان اویوشتیریلیشی و قندهیلیگی حقیده به تفصیل معلومات کیریتمهگن.
جاری میلادی ییل باشیدن اوکراین قوراللی کوچلری روسیهنینگ یاقیلغی انرژی مجموعهسی آست قوریلمهلریگه هجوملرنی کوپهیتیرگن. ترقهلگن معلوماتلر گه کوره، اوکراین پهپادلری سپتمبر آییگچه روسیهنینگ کمیده ۷۰ بار نفت ایشلب چیقریش کارخانهلریگه ضربه بیرگن. بو هجوملر روسیهده نفت ایشلب چیقریش کوچینی کمهیتیرگن و بعضی حدودلرده یشاوچیلر یاقیلغی ماده تقچیلیگی بیلن روپهره بولگن.
