فلسطین ده ساغلیقنی سقلش رسمیلری، نوار غزهنینگ بیر قطار بولیملریگه اسرائیل آرقهلی اویوشتیریلگن اینگ ینگی هجوملر نتیجهسیده، کمیده تورت کیشینینگ قربان بولگنینی معلوم قیلگن.
خلقارا ییتکرمهلرنینگ گزارش بیریشیچه، مذکور کیشیلر بوگون (۶-ثور/۲۶-اپریل، یکشنبه)، غزهنینگ بیر قطار بولیملری همده خانیونس شهریگه اسرائیل کوچلری اویوشتیرگن هجوملریده قربان بولگنلر.
بو بیلن بیرگه، اسرائیلنینگ اعلام قیلیشیچه، غزه گه بو مملکت حربیسی آرقهلی عملگه آشیریلگن هجوملرنی تیکشیرماقده.
۲۰۲۵-ییل اکتبر آییده اسرائیل و حماس آرهسیده آتیش کیسین برقرار بولگنی بیلن، غزه ده حاضرگچه توقنشوو یکونلنمهی و بو مملکت هر کونی یا-ده بیر کوندن کیین فلسطینلیکلرگه قرشی هجوم اویوشتیرهدی.
فلسطین ساغلیقنی سقلش ایشلاوچیلرینینگ معلوماتی اساسیده، اسرائیل و حماس آرهسیده آتیش کیسین برقرار بولگنیدن حاضرگچه، ۸۰۰ فلسطینلیک قربان بولگن. شونینگدیک اسرائیلنینگ ادعا قیلیشیچه، حماس آتیش کیسیندن کیین بو مملکتنینگ تورت عسکرینی اولدیرگن.
