بیرلشگن ملتلر تشکیلاتی عیاللر بولیمینینگ اعلام قیلیشیچه، نوار غزهدهگی اوروش مثلی کوریلمهگن شکلده عیاللر و قیزلر حیاتینی نشانگه آلیب و اولر مذکور توقنشوولرنینگ اصلی قربانلری آرهسیده قرار تاپگن.
مذکور تشکیلات، اوتگن کون کیچ قورون (۲۸-حمل/ ۱۷-اپریل، جمعه)، گزارش بیریشیچه، ۲۰۲۳-ییل اکتبر آییده اوروش باشلنگنیدن بویان، اسرائیلنینگ بمباردمان و ییر عملیاتی نتیجهسیده، ۳۸ مینگدن آرتیق قیز و عیال قربان بولگن.
گزارش اساسیده، بو رقم قریب ۲۲ مینگ عیال و ۱۶ مینگ قیزدن عبارت بولیب و اورته شکلده اسرائیل هجوملری طفیلی هر کونی کمیده ۴۷ عیال و قیز قربان بولگن.
بیرلشگن ملتلر تشکیلاتی عیاللر بولیمیگه کوره، قریب ۱۱ مینگ عیال و قیز یرهلهنیب و اولردن قطاری دایمی ناگرانلیکلر بیلن روپهره بولگنلر.
شونینگدیک بیرلشگن ملتلر تشکیلاتی عیاللر بولیمی، آتیش کیسین گه تولیق حرمت قایل بولینیشی، خلقارا قانون-قاعدهلرنی رعایت قیلیش و انسانسیورلیک یاردملرنینگ تیزلیککه کوپهیشینی ایستهب و اورغولشیچه، عیاللر و قیزلر قیته تیکلش و تینچلیک جریانینینگ مرکزیده بولیشی کیرهک.
