وسواس، روحی بیر قیین‌چیلیک بولیب، یانده‌شوو، حس-تویغو و فکرنی بوزیش بیلن بیللی بوله‌دی. کابل ده روان‌شناسلردن قطاری‌نینگ ایتیشلریچه، خواطرلنیش، عایله‌وی قیین‌چیلیک، اوزیگه ایشانمسلیک و قورقوو، عیاللرده وسواس‌گه سبب بوله‌دی. اولر‌گه کوره، وسواسنینگ اینگ کینگ شکلده ترقه‌لگن توری، عیاللر آره‌سیده حددن تشقری یوویش دیر.
بو توغریده روان‌شناسلردن محمد‌الله بلوچ‌نینگ ایتیشیچه: «عامللری عایله‌وی موضوع‌لر، وسواسی عایله‌لر و اوزیگه ایشانمسلیک دیر، اینیقسه قیزلر آره‌سیده آز اهمیت بیریلیش و اوزیگه ایشانمسلیک، وسواس قیین‌چیلیکلری گه سبب بوله‌دی. بیر کیشی بیر ایش‌نی نیچه مرته انجام بیره‌دی، قوللرینی نیچه مرته یووه‌دی یا-ده ایشیک‌نی نیچه مرته آچیب-یاپه‌دی.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، روان‌شناسلر‌نینگ ایشانچی‌گه کوره، وسواس دوالنه‌دیگن بیر قیین‌چیلیک بولیب، دارو آلیش و روان‌شناس یانیگه باریش بیلن کنترول بولیشی ممکن. روان‌شناسلردن حسینا محمدی‌نینگ ایتیشیچه: «دارو آلیش و روان‌شناس یانیگه باریش بیلن بو کیشی‌گه یاردم بیریش ممکن. روان‌شناس گه باریش کیره‌ک. آهسته آهسته روان‌شناس یاردمی بیلن اوز یانده‌شوویلری نی کنترول قیلسینلر.»
کابل یشاوچیسی بولمیش ۲۹ یاشر مریم‌نینگ ایتیشیچه، آزیق-آوقت و کییم پاک‌لیگی توغریسیده وسواس‌لیک، ۱۶ یاشر‌لیگی‌دن تاپیلگن. اونینگ کوپه‌یتیریشیچه، یاش‌لیگی‌ده جوده حساس بولگنی، یاشی یوقاری کیتیشی بیلن جدی وسواسنینگ تجربه قیلیشی‌گه سبب بولگن. «اوی نظافتی و پاک‌لیک‌ده جوده‌یم وسواس‌مین. ییگولیک ماده‌لرنی یووگنیم‌ده، نیچه مرته یوویشیم کیره‌ک؛ کییم یووگنیم‌ده نیچه مرته اونینگ آب‌کش قیلیشیم کیره‌ک.»
کابل یشاوچیلریدن باشقه بیری و اوی نظافتی و پاک‌لیک برابریده جدی وسواسی بولگن ۲۳ یاشر طیبه‌نینگ ایتیشیچه، اوتمیش و ناخوش موضوع‌لرگه توشینیش پاک‌لیک برابریده جدی تشویش و بیر جای‌نی نیچه مرته پاک‌لش گه سبب بولگن که بو یانده‌شوو، او و عایله‌سی اوچون زیریکتیره‌دیگن دیر.
اونینگ کوپه‌یتیریشیچه: «همه نرسه‌نینگ پاک بولیشینی توشینه‌من؛ کوپینچه پیت آشخانه نی نیچه مرته پاک قیله‌من و فکر قیله‌من که پاک‌کارلیککه نیاز بار. بعضا اوزیم‌نی چرچه‌گن حس قیله‌من، چونکه مینیم‌چه باشقه‌لر اوی نظافتی‌گه قره‌مه‌یدیلر و شونینگدیک عایله‌م هم زیریکه‌دی.»
وسواس، بو قیین‌چیلیککه چلینگن عیاللرده اولردن قطاری‌نینگ علاقه قوریش توغریسیده قیین‌چیلیک بیلن روپهره بولیشلری گه سبب بولگن. اولرنینگ ایتیشلریچه، وسواسلری بولگنی سبب باشقه‌لر بیلن آسان بیر شکلده علاقه قوره آلمه‌یدیلر و اجتماعی ساحه‌لرگه باریش‌دن شرم قیله‌دیلر.
بیزلرنینگ فیسبوک صحیفه‌میزگه باش اورینگ!
کابل یشاوچیسی ۳۴ یاشر زحل‌نینگ ایتیشیچه: «حتا عایله‌م بیلن رابطه‌ده قیین‌چیلیککه روپهره بولگن‌مین. اجتماعی علاقه‌م حددن تشقری زیان کورگن. بیران کیشی بیلن علاقه‌م بولیش‌دن قورقه‌من، چونکه نرمال بیر کیشی بولمه‌گنیم‌نی توشینه‌من. وسواسی‌مین و قورقه‌من که بیران کیشی نی خفه قیلسم دیب. انه شوو سبب همه‌دن اوزیم‌نی اوزاق توته‌من و گوشه‌نشین بولگن‌مین و انه شوو بیر اوی بار و بیر مین.»
وسواس، روحی قیین‌چیلیکلردن بولیب عیاللر آره‌سیده کوپراق کوریله‌دی و اونینگ اینگ کوپ ترقه‌لگن توری حددن تشقری یوویش دیر. عیاللردن کوپینچه‌سی آگاهی‌لیکلری کملیگی سبب، بو قیین‌چیلیک نی جدی آلمه‌ی و اونینگ دوالنیشی اوچون اقدام قیلمه‌‌یدیلر.
