بامیان ولایتی محلی مسئوللری، مذکور ولایتده عیاللر گه مخصوص سوداگرلیک بیر مرکز آچیلگنیدن خبر بیرگنلر.
«باغ فامیلی» آتیده عیاللر گه مخصوص مذکور سوداگرلیک مرکز، بیرلشگن ملتلر تشکیلاتی نینگ قاچقینلر ایشلری بوییچه عالی کمیشنری دفتری نینگ مالی حمایتی بیلن قوریلیب و دوشنبه کونی، ۱۳-قوس، بامیان ولایتی محلی مسئوللری نینگ حضوری بیلن فایدهلنیشگه تاپشیریلگن.
بیزلرنینگ فیسبوک صحیفهمیزگه باش اورینگ!
۵۶ میلیون افغانی عوضی گه قوریلگن مذکور سوداگرلیک، دمآلیش و فرهنگی مرکز، کسب و تخنیک تعلیم مرکزی، ۲۰ دکانلیک بیر بازارچه، رستورانت، کوتیب آلیش سالونی، زمانهوی جهازلر، سوو، برق و دم آلیش پارکلری بیلن قوریلگن.
بیرلشگن ملتلر تشکیلاتی نینگ قاچقینلر ایشلری بوییچه عالی کمیشنری دفتر مسئولی محمداشرف نیازی، مذکور لایحه عمل گه آشیریلیشی خصوصیده بامیان محلی مسئوللری نینگ همکارلیگیدن قدردانلیک قیلیب ایتیشیچه، بو عیاللر بازارچهسیده کسب و تخنیک بولیملری، کمپیوتر، تیل اورگهنیش و قرآنکریم درس بیریلهدی.
باشقه بیر تاماندن، بامیان حاکمی نینگ مالی و تأمینات مسئولی محمدخان غازی نینگ ایتیشیچه، اوشبو ولایتده مؤسسهلر اوچون رواجلنیش لایحهلر عمل گه آشیریلیشی و انسانپرورلیک خذمت کورسهتیش زمینهسی یرهتیلگن دیر.
بامیان حاکمی نینگ مالی و تأمینات مسئولی نینگ کوپهیتیریشیچه، اوشبو سوداگرلیک، دم آلیش و فرهنگی مرکز نینگ آچیلیشی بیلن، بو ولایتده صناعتچی و سوداگر عیاللر نینگ ایشی و تجارتی نیچه برابر رواجلنیشی گه سبب بولهدی.
بیزلرنینگ «ایکس» ترماغی ده هم تعقیب قیلینگ!
اونینگ اورغولشیچه، ایچکی و خلقارا برچه مؤسسهلر، قومی، سمتی و طرفسیزلیک بیلن، آستقورمه لایحهلر نینگ خاطر جمعلیک بیلن عملگه آشیریشلری ممکن.
ایتیش کیرهک که، اوشبو مرکز ده عیاللر گه مخصوص بازار قوریلیشی گه علاوه، بالهلر و کیکسهلر اوچون تعلیمی مرکز، دم آلیش مکان، رستورانت و باشقه امکانیتلر هم یرهتیلگن.
