بلخ ولایتیده توز ایشلب چیقروچی و پروسس قیلوچیلردن بیرقطاری، بو ولایت ستندرد و ساغلام توزیش ایشلب چیقریش بولیمیده اوزینی-اوزی تأمینلش گه ییتگنینی ایتهدیلر. اولر گه کوره، حکومت تامانیدن قوللب-قوتلنگن حالده، توز بولیمیده ایچکی احتیاجلرنی تأمینلش گه قوشیمچه، تشقی مملکتلر گه هم صادر قیلیشلری ممکن.
اسلام امیرلیگی حج و اوقاف وزیرلیگی، افغانستاندن سعودی عربستان گه حاجیلرنی یوباریش جریانی باشلنگنیدن خبر بیردی.
سرپل دهگی عیاللردن قطارینینگ ایتیشلریچه، توغروقلر آرهسیده فاصله بیریش اهمیتی توغریسیده آگاهیسیزلیک، باسیملر، ایشانچلر و عایلهلر آرهسیدهگی کینگ ترقهلگن عرف-عادتلر، اولرنی کیتمه-کیت فرزند دنیا گه کیلتیریشگه مجبور قیلگن. اولرنینگ کوپهیتیریشلریچه، بو وضعیت اولرده جدی جسمانی عاقبتلر همده اَیریم حالتلرده حتا جنیننینگ توشیشیگه هم سبب بولگن.
بیرلشگن ملتلر تشکیلاتی عیاللر بولیمینینگ اعلام قیلیشیچه، نوار غزهدهگی اوروش مثلی کوریلمهگن شکلده عیاللر و قیزلر حیاتینی نشانگه آلیب و اولر مذکور توقنشوولرنینگ اصلی قربانلری آرهسیده قرار تاپگن.
اسلام امیرلیگی صناعت و سودا وزیری نورالدین عزیزی، تورکیه سودا وزیری عمر بولات بیلن اوچرهشدی. صناعت و سودا وزیرلیگی سوزلاوچیسی آخوندزاده عبدالسلام جواد، بوگون (۲۹ حمل/۱۸ اپریل، شنبه) ترقهتگن ویدیو فایلده، عزیزی و بولات سودا آلیش-بیریش حجمینی آشیریش و افغانستانده صناعت، کانلر و ایکینچیلیک بولیملریده سرمایه کیروتوچیلرنی ترغیب قیلیش اوچون موجود امکانیتلر حقیده بحث ایتگنلرینی بیلدیردی.
اسلام امیرلیگی ایچکی ایشلر وزیرلیگی، اوشبو وزیرلیکنینگ بنگیوار مادهلر گه قرشی کورهش معینی عبدالرحمان منیر ییتکچیلیگیده بیر هیئتنینگ اوزبیکستان گه کیتگنینی معلوم قیلگن.
ایکینچیلیک، سووغاریش و چارواچیلیک وزیرلیگی، فاریاب ولایتی مرکزی میمنه شهریده زمانهوی جهازلر بیلن تأمینلنگن بیر ساووقخانه فایدهلنیشگه تاپشیریلگنینی معلوم قیلدی. اوشبو وزیرلیک، بوگون (۲۹ حمل/۱۸ اپریل، شنبه) بیر بیانیه ترقهتیب ایتیشیچه، بو ساووقخانه میمنه شهریده خصوصی بیر کمپنیه تامانیدن زمانهوی شکلده قوریلگن و اونگه ۱۰۰ تُن ایکینچیلیک محصولات سیغهدی.
