ایکینچیلیک، سووغاریش و چارواچیلیک وزیرلیگی، فاریاب ولایتی مرکزی میمنه شهریده زمانهوی جهازلر بیلن تأمینلنگن بیر ساووقخانه فایدهلنیشگه تاپشیریلگنینی معلوم قیلدی.
اوشبو وزیرلیک، بوگون (۲۹ حمل/۱۸ اپریل، شنبه) بیر بیانیه ترقهتیب ایتیشیچه، بو ساووقخانه میمنه شهریده خصوصی بیر کمپنیه تامانیدن زمانهوی شکلده قوریلگن و اونگه ۱۰۰ تُن ایکینچیلیک محصولات سیغهدی.
بیانیه گه کوره، بو لایحه ۳۰ میلیون ۵۸۹ مینگ ۱۹۰ افغانی عوضیگه قوریلگن و اوشبو مقدار پول ایکینچیلیک، سووغاریش و چارواچیلیک وزیرلیگی تامانیدن تولهنیلگن.
مذکور ساووقخانه فعال ایتیلیشی بیلن، میوهلرنی معیاری سقلش، ایکینچیلیک محصولات چیقیندیلری آلدی آلینیشی و دهقانلرنینگ اقتصادی احوالی یخشی و محلی اقتصاد تیکلنیشی گه زمینه یرهتهدی.
