ایران اسلام انقلابی قوروقچیلرینینگ دینگیز کوچلری سیاسی اورینباسری علی محمدی، اگر امریکا ایرانگه قرشی ینه اوروشنی باشلهیدیگن بولسه، ایران اوشبو مملکتنینگ جملهدن هند اوقیانوسیدهگی کیمهلریگه هجوم قیلیشی حقیده آگاهلنتیردی.
فارس نشری، بوگون (۵-میزان/۲۷-سپتمبر، یکشنبه) ایران اسلام انقلابی قوروقچیلرینینگ دینگیز کوچلری سیاسی اورین باسریگه اساسلنیب بو حقده خبر قیلگن.
محمدی، ینه بیر بار هرمز بوغزینینگ ایران تامانیدن باشقریلیشی اوستیگه تأکید ایتگن. او شوندهی دیگن: «اگر ترامپ هرمز بوغوزینی اوز بوغزی دیب بیلهدیگن بولسه، نیگه اوز کیمهلری و دینگیز واسطهلری بو ییرده ایمس؟»
شو بیلن بیرگه، ایران قوراللی کوچلرینینگ ییریک سوزلاوچیسی ابوالفضل شکارچی، امریکانینگ هرمز بوغزیدهگی هر قندی ارهلشووی اوشبو مملکتنینگ قتیق جوابی بیلن روپهرو بولیشی توغریسیده آگاهلنتیرگن.
