افغانستانده تحصیل قیلگن ایریم یاشلرنینگ ایتیشیچه، ییللر دوامیده تعلیم کوریب و کونیکمهلرنی اورگنگن بولسه-لرده، رشتهلریگه ماس ایش اورینلری بولمهی و خرهجتلریگه نسبتن درآمدلری آزلیگیدن شکایت قیلهدیلر. اولرگه کوره، رشتهلریگه ضد و آز درآمدی بولگن اورینلر گه ایشلش گه مجبور بولگنلر.
اسلام امیرلیگی عدلیه وزیرلیگی، بلخ ولایتی مرکزی مزارشریف شهریده ینههم ۶۰۰ جریب ییرنی امارتی دیب اعلان قیلدی.
نورستان امنیتی مسئوللری، اوتگن کونی اوشبو ولایتنینگ کامدیش تومنیده یوز بیرگن توقنشووده ۲۱ قوراللی کیشی اولگن و ینه ۳۲ کیشی یرهلنگن همده اولرنینگ تسلیم بولگنلری هم قولگه آلینگنینی ایتگنلر.
ایران اسلام انقلابی قوروقچیلرینینگ دینگیز کوچلری سیاسی اورینباسری علی محمدی، اگر امریکا ایرانگه قرشی ینه اوروشنی باشلهیدیگن بولسه، ایران اوشبو مملکتنینگ جملهدن هند اوقیانوسیدهگی کیمهلریگه هجوم قیلیشی حقیده آگاهلنتیردی.
بلخ ولایتی صناعت و سودا ریاستی مسئوللری، اوشبو ولایتده «شالی برنج»نی قیته ایشلش فابریکهسی قوریلیشی باشلنگنیدن خبر بیردیلر.
قزاقستان مدافعه وزیری دوران جُمعتیویچ کوسانوف، خزر دینگیزیده حربی مشغولاتلر وقتیده ۱۴ نفر حربی خذمتچی اولگنیدن سونگ، لوازمیدن چیتلنتیریلدی.
یشش جای یقینیده سپورت جایلرینینگ یوقلیگی، یوقاری خرهجتلر و سپورت امکانیتلریدن آز فایدهلنیش، کوپلب یاشلر اوچون سپورت بیلن شغللنیشنی قیینلشتیرگن. شونگه قرهمی، یاشلر همان سپورت قیلیش گه دوام بیرماقده. ایریم یاشلر اوزاقراقدهگی سپورت کلوبلریگه بارهدی، بعضیلری اویده مشق قیلهدی، باشقهلری ایسه بار امکانیتلردن فایدهلنیب، سپورت بیلن شغللنیشده دوام بیرماقده.
