قزاقستان مدافعه وزیری دوران جُمعتیویچ کوسانوف، خزر دینگیزیده حربی مشغولاتلر وقتیده ۱۴ نفر حربی خذمتچی اولگنیدن سونگ، لوازمیدن چیتلنتیریلدی.
ییتکرمهلرنینگ معلوماتیگه کوره، بوگون (۵ میزان/۲۷ سپتمبر، یکشنبه) قزاقستان جمهور باشلیغی قاسم جومارت توقایفنینگ فرمانی بیلن کوسانوف بو مملکت مدافعه وزیری لوازمیدن برطرف ایتیلگن.
دوران کوسانوف میلادی ۲۰۲۵-ییلنینگ ۸ جون کونی قزاقستان مدافعه وزیری ییتیب تعیینلنگن ایدی.
ایسلهتیب اوتهمیز، ۲ میزان/۲۴ سپتمبر، قزاقستاننینگ منگستاو ولایتیده بو مملکت حربی-دینگیز کوچلری «خزر» دینگیزی ساحلیده اوقوو-جنگوار مشغولاتینی بجریش وقتیده، آب-هوانینگ کوتیلمهگنده کیسکین یامانلشیشی عاقبتیده ۱۷ نفر حربی خذمتچی آچیق دینگیز گه آقیب کیتگن، اولردن اوچ نفری قوتقریلگن و ۱۴ نفر حربی خذمتچی ایسه هلاک بولگن.
قزاقستان مدافعه وزیرلیگی دستلبکی معلوماتلریده دینگیز گه ۱۹ نفر حربی خذمتچی آقیب کیتگنینی بیلدیرگن ایدی. اوشه پیتده ۹ نفر حربی خذمتچینینگ هلاک بولگنی قید ایتیلگن. کیینراق منگستاو ولایتی حاکملیگی دینگیز گه آقیب کیتگنلر سانی ۱۷ نفر ایکنینی معلوم قیلدی.
