اسلام امیرلیگی حج و اوقاف وزیرلیگی، افغانستاندن سعودی عربستان گه حاجیلرنی یوباریش جریانی باشلنگنیدن خبر بیردی.
اوشبو وزیرلیک، ۲۸ حمل/۱۷ اپریل، جمعهدن شنبه گه اوتر کیچه، ایکس صحیفهسیده بیر بیانیه ترقهتیب، ۳۰ مینگ حاجینی انتقال بیریش و اولر گه ییترلیچه خذمت کورسهتیش اوچون برچه تیارگرلیکلر کوریلگنینی بیلدیردی.
بیانیه گه کوره، اوشبو حاجیلر «آریانا افغان» و «کامایر» هوا یوللری آرقهلی ۹۶ اوچیشده، مملکت تورت زونیدن سعودی عربستان گه انتقال بیریلهدی.
حج و اوقاف وزیرلیگی، بو حاجیلردن ۱۵ مینگ نفری مستقیم طرزده مدینه منوره و ۱۵ مینگ نفری ایسه جده گه انتقال بیریلیشینی قوشیمچه قیلگن.
افغانستانلیک حاجیلر گه یشش جای، ترتیبلی و یخشی خذمت کورسهتیلیشی اوچون، بوندن آلدین حج و اوقاف وزیرلیگی مخصوص هیئتلری سعودی عربستان گه یوباریلگنی ایتیلگن.
