حزبالله لبناننینگ اعلام قیلیشیچه، اسرائیل کوچلری و بو مملکت شهرچهلریگه قرشی ۷۵ هجوم اویوشتیرگن.
مذکور حزبنینگ بیر بیانیه آرقهلی یازیشیچه، اوشبو هجوملر اوتگن ۲۴ ساعت ایچیده عملگه آشیریلگن.
حزبالله، اسرائیل کوچلریگه قرشی لبنان توپراغی ایچیده ۳۸ هجوم و بو مملکت شمالیده باشقه ۳۷ هجوم اویوشتیرگنینی بیان قیلگن.
بیانیهده کیلیشیچه، مذکور هجوملرده اوچته حربی پایگاه، ۲۵ ته شهرچه و شهر، چیگرهده جایلشگن بیشته پوسته و باشقه بیر قطار جای نشانگه آلینگن.
شونینگدیک حزبالله لبنان، اوتگن کونی اسرائیل کوچلرینینگ پایگاهلرینی پهپادی هجوملر بیلن نشانگه آلگنینی معلوم قیلگن ایدی.
ایتیش کیرهک که، امریکا جمهور باشلیغی دونالد ترامپ، اسرائیل و لبنان رهبرلرینینگ ۱۰ کونلیک آتیش کیسین باشلنیشیگه کیلیشگنینی معلوم قیلگن. ترامپ، لیکن مذکور آتیش کیسیننینگ قچان باشلنیشینی معلوم قیلمهگن.
شوندهی بیرحالده، امریکا رسمیلریدن بیری رویترز آژانسیگه، آتیش کیسین امریکا وقتی بیلن پنجشنبه کونی باشلنیشی ممکن دیگن.
