روسیه تشقی ایشلر وزیری سرگئ لاوروفنینگ ایتیشیچه، مسکو اوکراین بیلن مذاکره قیلیش گه تیار، بیراق بو مملکت جمهور باشلیغی ولودیمیر زلنسکی روسیه عملدارلری بیلن اوچرهشماقچی بولسه، مسکو گه کیلیشی کیرهک.
تاس نشری، سرگئی لاوروف ۲۱ سنبله/۱۲ سپتمبر، شنبه کونی، ژورنالیستلر بیلن اوتکزگن صحبتیده اوکراین جمهور باشلیغی ولودیمیر زلنسکی روسیه عملدارلری اینیقسه بو مملکت جمهور باشلیغی ولادیمیر پوتین بیلن اوچرهشماقچی بولسه، مسکو گه کیلیشی کیرهک دیگن.
لاوروف گه کوره، روسیه مذاکره اوچون برچه ایدهلرنی خوش قرشیلهیدی، بیراق حربی عملیاتلرینی توختتمهیدی.
شو بیلن بیرگه، روسیه جمهورلیک ریاستی سوزلاوچیسی دیمیتری پسکوف، جی ۲۰ ییغیلیشی دایرهسیده پوتین و زلنسکینینگ اوچرهشووی ناممکن و مذاکره فقط مسکوده بولیب اوتیشی ممکن دیگن.
ایسلهتیب اوتهمیز، سونگی پیتلرده روسیه و اوکراین اورتهسیده تینچلیک مذاکرهلرینی قیته تیکلش بوییچه امریکا واسطهچیلیگیدهگی سعی-حرکتلر هم کوچهیگن. جاری آی باشیده امریکا جمهور باشلیغی دونالد ترامپنینگ مخصوص وکیلی استیف ویتکاف و جرد کوشنر مسکو همده کییف گه باریب، اوروشنی یکونلش بوییچه مذاکرهلرنی قیته جانلنتیریش گه اورینگن.
بیراق، امریکا وکیللرینینگ مسکو و کییف گه تشریفلری سیزیلرلی نتیجه بیرمهگنی ایتیلگن.
