امریکا قوشمه ایالتلرینینگ مرکزی قوماندانلیگی (سنتکام)، ایران توپراغیده سپاه پاسداران نشانلریگه قرشی آغیر هجوملرنینگ «موفقیت بیلن» یکونلنتیرگنینی معلوم قیلگن.
سنتکامنینگ بوگون (۸-اسد/۳۰-جولای، پنجشنبه)، اکس صحیفهسیده بیر بیانیه آرقهلی یازیشیچه، اوشبو هجوملر منطقهده امریکا کوچلریگه هجوم قیلیش اوچون ایراننینگ سعیوحرکتیگه قرشی عملگه آشیریلگن.
بیانیه اساسیده، مذکور عملیاتده سپاه پاسدارانگه تیگیشلی اونلب مقصد جملهدن حربی قوماندانلیک مرکزلری، راکته و پهپادی قوریلمهلر، نظارتی تیزیملر، ساحلی مدافعه پایگاهلری و شونینگدیک بو نهادنینگ دینگیز امکانیتلری نشانگه آلینگن.
سنتکامنینگ کوپهیتیریشیچه، بو هجوملردن مقصد ایران و اونینگ وکیل کوچلری تامانیدن امریکا کوچلری، سودا کیمهلری همده خلیج فارس مملکتلریگه قرشی تهدیدلرنی امکان قدر کمهیتیریش بولگن.
شونینگدیک بیانیهده کیلیشیچه، بوندن آلدین سپاه پاسداران یقین شرقده جایلشگن امریکا کوچلریگه قرشی کوتیلمهگن بیر هجومنی اویوشتیریش مقصد، ایران حدودلریدن بیر نیچه بالستیک راکتهنی آتگن، بیراق اولرنینگ برچهسی یوق قیلینگن.
