امریکا قوشمه ایالتلرینینگ مرکزی قوماندانلیگی (سنتکام) کیتمه-کیت اون ایکینچی کیچهده، ایراننینگ حربی مرکزلری و آست قوریلمهلریگه ضربه بیرگنینی معلوم قیلدی.
سنتکام، بوگون (۱ اسد/۲۳ جولای، پنجشنبه) ایکس اجتماعی ترماغیده بیر بیانیه ترقهتیب، امریکا کوچلری ایراننینگ حربی هدفلری جملهدن دینگیز صلاحیتی، راکته و دران انبارلری، ساحلی کوزهتوو تیزیملری و هوا مدافعه اوسکونهلرینی نشانگه آلگنینی بیلدیرگن.
بیانیه گه کوره، اوشبو هجوملر ایراننینگ غیرنظامی دینگیزچیلر گه و تجارت کیمهلریگه قرشی هجوم اویوشتیریش کوچینی کمهیتیریش مقصدیده عملگه آشیریلگن.
شونینگدیک سنتکامنینگ کوپهیتیریشیچه، امریکا کوچلری جاری میلادی آیده ایراننینگ اونلب حربی مرکز و آست قوریلمهلریگه ضربه بیرگن و شو بیلن بیرگه بو مملکت گه قرشی دینگیز محاصرهسینی قیته باشلهگن.
بیانیهده، یقین شرق بویلب امریکانینگ ۵۰ مینگدن آرتیق عسکری جایلشتیریلگن بولیب، اولر اینگ یوقاری درجهدهگی عملیات اوچون تیار حالتیده تورگنی قید ایتیلگن.
امریکا و ایران اورتهسیدهگی کیسکینلیکلر سونگی هفتهلرده سیزیلرلی درجهده آشگن و ایکی تامان بیر-بیرینینگ مرکزلریگه قرشی هجوم اویوشتیرماقده.
