فارین‌پالیسی گزیته‌سی اوتگن کیچه (سه‌شنبه، ۳عقرب) بیر گزارش ترقه‌تیب ادعا قیلیگن که، روسیه حکومتی افغانستان سابق حکومتی نینگ کوچلریدن اوکراین اوروشیده ایش آلماقده.
فارین‌پالیسی بو گزارشیده، یامان اقتصادی و امنیتی قیین‌چیلیک‌ده قرار تاپگن سابق حکومت کوماندو کوچلریدن قطاری بیلن صحبت اوتکزیب و ایتگن که، مذکور کوچلر نینگ شرایطی، اوکراین اوروشیده قتنه‌شیش اوچون زمینه یره‌تگن.
بیزلرنینگ فیسبوک صحیفه‌میزگه باش اورینگ!
حربی ایش بیلرمان‌لردن بولمیش سرور نیازی نینگ سلام‌وطندار بیلن اوتکزگن صحبتیده ایتیشیچه: «بو خلق‌ارا برچه معیارلر و قانون‌لر گه قرشی دیر، بیر مملکت حربی کوچلریدن باشقه بیر مملکت‌ده ایش آلینیشی، بو ایسه اره‌لشیش دیر، بیرلشکن ملت‌لر تشکیلاتی نینگ خوفسیزلیک کینگه‌ییشی بو ایش گه توسیق بولیشی کیره‌ک.»
ناتو کوچلری نینگ افغانستان‌دن چیقیشی بیلن، مملکت نینگ اون‌مینگ‌لرچه حربی کوچلری سرنوشت‌سیز بیرحالده قرار تاپدی‌لر. جمهوریت توزیمی قوللنیشی بو کوچلر نینگ مملکت ایچیده و منطقه مملکت‌لریده کوپلب باسیم‌لر و تهدیدلر بیلن روپه‌رو قیلگن. قشاق‌لیک کبی اقتصادی باسیم‌لر ایسه اولرنی تشقی مملکت‌لرده‌گی اوروش‌لرده ایش آلینیش شرایطی گه قرار بیرگن.
بیر قطار حربی ایش بیلرمانلر نینگ ایشانچ‌‌لری گه کوره، افغانستان نینگ اسلامی امارت حکومتی سابق حکومت حربی کوچلری گه قرشی بولگن مناسبتی، اولردن تشقی اوروش‌لرگه ایش آلینیشی گه سبب بولگن.
حربی ایش بیلرمان عبدالواحد طاقت سلام‌وطندار بیلن اوتکزگن صحبتیده ایتیشیچه، حاضر ایسه سابق حکومت نینگ مدافعه و خوفسیزلیک کوچلری اوکراین‌ده اوروش نینگ ایکی جبهه‌سیده استخدام بولگنلر.
بیزلرنینگ توییترده هم تعقیب قیلینگ!
اونینگ کوپه‌یتیرشیچه: «سابق حکومت کوچلریدن ایش آلیش خواطرلی ایدی بو ایسه بجریلدی، بو ییرده منظم و برقرار بیر حکومت یوزگه کیلمه‌دی و اسلامی امارت حکومتی هم سابق کوچلرنی جذب ایتمه‌دی تا بو قیینچیلیک‌لر حل بولسه ایدی، لیکن جذب ایتمه‌دی.»
دیمک اوتکن بیر ییل جریانیده افغانستان‌ده سابق حکومت کوچلرینی اولدیریلیشی و توتقین‌گه آلینیشیدن کوپلب گزارش‌لر ترقه‌تیلگن ایدی.
