امریکا جمهور باشلیغی دونالد ترامپ، «تینچلیک هیئتی» نوار غزه ده حماس و باشقه قوراللی فلسطینلیک گروهلرینینگ تولیق قورالسیزلشتیریش بوییچه کیلیشووگه ایریشگنینی ایتگن.
رویترز آژانسینینگ گزارش بیریشیچه، امریکا جمهور باشلیغی «تروت سوشل» اجتماعی ترماغیده، مذکور کیلیشوونی غزه ده اسرائیل اوروشیگه چیک قوییش اوچون «ترامپنینگ ۲۰ مادهدن عبارت ریجهسینی عملگه آشیریش بوییچه ییریک یوتوق» دیب، اتهگن.
دونالد ترامپگه کوره، بو کیلیشوو باسقیچمه-باسقیچ عملگه آشیریلیب و قورالسیزلشتیریش جریانی رواجلنیشی بیلن بیرگه، غزه دن اسرائیل کوچلرینینگ چیقیب کیتیشی ممکن. «بو کیلیشوو غزهنینگ فلسطینلیک ینگی بیر حکومت آرقهلی اداره بولیشی اوچون مهم بیر آدیم دیر؛ بو حکومت ایسه فلسطین اهالیسیگه یاردم بیریش اوچون تینچلیک هیئتی بیلن یقین همکارلیگی بولیشی ممکن.»
ایتیلیشچه، خلقارا خوفسیزلیکنی برقرارلشتیریش کوچی، فلسطیننینگ ینگی تشکیل ایتیلگن کوچلریدن بیری بیلن بو حدود امنیتینینگ تامینلش مسئولیتینی اوز زمهسیگه آلهدی.
شوندهی بیرحالده، فلسطین ده طبی منبعلر، پنجشنبه کونی غزه ده اسرائیلنینگ اویوشتیرگن هجوملری نتیجهسیده، ایکی باله شامل کمیده آلتی کیشینینگ قربان بولگنیدن خبر بیرگن ایدی.
