بیش کونلیک مخابرات و تکنولوژی کورگزمهسینی یولگه قویگنلرنینگ ایتیشلریچه، بو کورگزمه جریانیده تکنولوژی ساحهسیده ایچکی کمپنیهلر ایچیده و شونینگدیک اوزبیکستان و ایران کمپنیهلری بیلن ایچکی کمپنیهلر اورتهسیده ۱۰ میلیون دالر ارزشیگه قریب ۳۰ ته شرطنامه امضالنگن.
وهاج کورگزمهسینی تشکیل ایتیش خذمتلری بوییچه باشلیغی حمزه وهاجنینگ ایتیشیچه، ۱۵۰ مینگدن آرتیق کیشی مذکور کورگزمهنی کوریب چیققن. «ایچکی کمپنیهلر ایچیده و شونینگدیک ایچکی کمپنیهلر و اوزبیکستان کمپنیهلری اورتهسیده قریب ۳۰ شرطنامه، تکنولوژی بولیمیده ۱۰ میلیون دالر ارزشیگه امضالنگن.»
شوندهی بیرحالده، اوشبو کورگزمهگه شرکت قیلگنلردن قطارینینگ ایتیشلریچه، بو کبی کورگزمهلر اوتکزیلیشی ینگی بویورتمهلرنی آلیش، سوداگرلیک همکارلیکلرینی کوچهیتیریش و محصوللر بیلن اولرنینگ خذمتلرینی تانیشتیریش اوچون مناسب بیر امکانیتنی یرهتهدی.
روشن مخابراتی شرکت نمایندهسی عبدالعزیز نیازینینگ ایتیشیچه: «مذکور کورگزمه معلوماتی تکنولوژی خذمتلرینی کورسهتیش، محصوللرنی تانیتیش، تشبثلرنی کوچهیتیریش، همکارلیکلرنی آشیریش و سرمایه یاتقیزیلیشنی جذب قیلیش امکانیتینی بیزگه یرهتگن.»
شونینگدیک آسیا مصلحت گروهی نمایندهسی محمد جاوید، بو کورگزمهنینگ اوتکزیلگنیدن خورسندلیک قیلیب و بو کبی برنامهلر دوام قیلیشینی سورهگن. «اسلام امیرلیگیدن اوچ دن آلتی آیگچه تکنولوژی کورگزمهسی اوتکزیلیشینی ایستهیکیز که شرکتلر ینگیلیکلری و یوتوقلرینی نمایشگه قویسینلر.»
اوشبو کورگزمهده، تکنولوژی ساحهسیده دولتی ادارهلر و خصوصی بولیم یوتوقلری ۲۰۰ غرفهده، بیش کونگچه کوریب چیقووچیلر اوچون نمایش گه قوییلدی.
