اسلام امیرلیگی باش وزیری اقتصادی اورینباسری ملاعبدالغنی برادرنینگ ایتیشیچه، اسلام امیرلیگی قدرت گه ایریشگنیدن کیین، افغانستان ده مخابرات و تکنولوژی بولیمیده یوتوقلرگه ایریشیلگن.
اسلام امیرلیگی باش وزیرینینگ اقتصادی اورینباسری بوگون (۴-اسد/۲۶-جولای، یکشنبه)، مخابرات و تکنالوژی کورگزمهسینینگ آچیلیش مراسمیده ایتیشیچه، وقت نیازلری بیلن ماس مخابرات و تکنولوژینینگ رواجلنیشی، حکومتلرنینگ مهم مسئولیتلریدن دیر.
اونینگ کوپهیتیریشیچه، اسلام امیرلیگینینگ قدرت گه ایریشگنیدن کیین، محروم منطقهلرنینگ کوپراق مخابراتی خذمتلر بیلن قمرهب آلینگنی، دیجیتالی حکومتدارلیک بولیمیده یوتوقلر اورته گه کیلگنی همده دولتی ادارهلر اوچون رسمی سندلر سیستملری یرهتیلگنی، بو یوتوقلر نمونهلریدن دیر.
اسلام امیرلیگی باش وزیرینینگ اقتصادی اورینباسریگه کوره، اسلام امیرلیگی بار امکانیتلردن باسقیچمه-باسقیچ فایدهلهنیب، افغانستان نی تکنولوژی ساحهسیده منطقه و دنیا مملکتلری بیلن رقابت قیله آلهدیگن درجهگه ییتکزماقچین.
او، افغانستاننینگ جغرافیایی موقعیتینی علاقهلر بولیمیده مهم دیب و ایتیشیچه، بو مملکت معلوماتلرنی اوزهتیش ساحهسیده جنوبی آسیانی مرکزی آسیا بیلن باغلهشی ممکن.
اسلام امیرلیگی باش وزیرینینگ اقتصادی اورینباسری، تکنولوژی فرهنگی رواجلنیشی توغریسیده مخابرات و تکنولوژی کورگزمهلر اوتکزیلیشینی مهم بیلیب و کوپهیتیریشیچه، تکنولوژی رواجلنیشی شفافلیکنی آشیریش، درآمدنی یخشیراق مدیریت قیلیش، وقتنی تیجهش، جریانلرنی سادهلشتیریش و ایشدهگی خطالرنی کمهیتیریشگه یاردم بیره آلهدی.
مخابرات و تکنولوژی کورگزمهسی، بوگون افغانستان خلقارا کورگزمهلر مرکزیده آچیلدی. بو مخابرات و تکنولوژی بولیمیده افغانستان ده اوتکزیلگن بیرینچی کورگزمه دیر.
